Byggðarráð Svf. Skagafjarðar

Lagt fram bréf frá Þrá ehf varðandi tilboðsverk í verknámshús Fjölbrautaskóla Norðurlands vestra. Skorað er á sveitarfélagið að hlutast til um að gengið verði að boði Þráar ehf og verkið þannig unnið af heimaaðilum. Sveitarstjóri kynnti niðurstöðu fundar bygginganefndar verknámshússins 15. júlí 2009, þar sem lagt var til að tilboði lægstbjóðanda, Eyktar ehf, yrði tekið.
Hér var um útboð að ræða sem lýtur almennum útboðsreglum sem sveitarfélagið hefur ekki forsendur til að hafa áhrif á.

Lagt fram bréf frá Jóni Hilmarssyni, Hofsósi þar sem hann óskar eftir því að fá keypta fasteignina Austurgötu 11, Hofsósi.
Byggðarráð hefur ekki áform um að selja þessa fasteign og hafnar því erindinu.

Lagt fram erindi frá Bílaklúbbi Skagafjarðar þar sem óskað er eftir leyfi til að halda rallýkeppni helgina 24.-25. júlí 2009. Ekið verður á sérleiðum Bakki-Ásgarður, Deildardalur, Mælifellsdalur og Nafir.
Byggðarráð samþykkir erindið fyrir sitt leyti svo fremi að öll önnur tilskilin leyfi fáist frá hlutaðeigandi aðilum og öllum reglum verði framfylgt.

Formaður byggðarráðs kynnti fyrir ráðinu fundargerð vinnufundar starfshóps sem skipaður var á síðasta fundi ráðsins.

Fundargerð 50. fundar atvinnu- og ferðamálanefndar lögð fram til afgreiðslu á 485. fundi byggðarráðs eins og einstök erindi bera með sér.