Úthlutun byggðakvóta fiskveiðiárið 2008-2009

Nefndin leggur til við sveitarstjórn að eftirfarandi samþykkt verði send Sjávarútvegs- og Landbúnaðarráðuneytinu:

Sveitarstjórn Skagafjarðar beinir því til Sjávarútvegs- og landbúnaðarráðuneytis að reglum fyrir úthlutun byggðakvóta til byggðalaga í Sveitarfélaginu Skagafirði fyrir fiskveiðiárið 2008-2009 verði breytt á þann veg að vinnsluskylda í viðkomandi byggðalagi verði felld niður.

Ennfremur beinir hún þeim tilmælum til ráðuneytisins að 19 þorskígildistonnum af byggðakvóta fiskveiðiársins 2008 -2009 sem merkt voru Sveitarfélaginu Skagafirði verði úthlutað til báta í Hofsósi, enda er hér um að ræða leifar þess byggðakvóta sem Byggðastofnun úthlutaði á sínum tíma á grundvelli samdráttar í aflaheimildum á Hofsósi.

Fyrrgreind samþykkt komi í stað áður samþykktra tillagna um úthlutun áðurnefnds byggðakvóta.

Sigurður Árnason leggur fram breytingartillögu við bókun atvinnu- og ferðamálanefndar frá 11. mars, að við samþykktina bætist eftirfarandi: Að öðru leiti fari úthlutun byggðakvóta fram samkvæmt því fyrirkomulagi sem í gildi var í lögum og reglugerðum varðandi nýtingu byggðakvóta í Skagafirði fyrir fiskveiðiárið 2008-2009"

Gísli Árnason lagði fram eftirfarandi breytingartillögu að texta: " að í stað: að vinnsluskylda í viðkomandi byggðalagi verði felld niður" komi eftirfarnandi texti."..að aflétt verði vinnsluskyldu sbr. ákvæði 1.mgr. 60 gr. reglugerðar nr 82/2010"

Hlé var gert á fundi, Gísli Árnason tók til máls og dró tillögu sína tilbaka vegna upplýsinga sem fram komu á fundinum.

Breytingatillaga Sigurðar Árnasonar borin undir atkvæði og samþykkt samhljóða.

Tillagan hljóðar þá eftirfarandi:

"Sveitarstjórn Skagafjarðar beinir því til Sjávarútvegs- og landbúnaðarráðuneytis að reglum fyrir úthlutun byggðakvóta til byggðalaga í Sveitarfélaginu Skagafirði fyrir fiskveiðiárið 2008-2009 verði breytt á þann veg að vinnsluskylda í viðkomandi byggðalagi verði felld niður. Ennfremur beinir hún þeim tilmælum til ráðuneytisins að 19 þorskígildistonnum af byggðakvóta fiskveiðiársins 2008 -2009 sem merkt voru Sveitarfélaginu Skagafirði verði úthlutað til báta í Hofsósi, enda er hér um að ræða leifar þess byggðakvóta sem Byggðastofnun úthlutaði á sínum tíma á grundvelli samdráttar í aflaheimildum á Hofsósi. Að öðru leiti fari úthlutun byggðakvóta fram samkvæmt því fyrirkomulagi sem í gildi var í lögum og reglugerðum varðandi nýtingu byggðakvóta í Skagafirði fyrir fiskveiðiárið 2008-2009"

Afgreiðsla 58. fundar atvinnu- og ferðamálanefndar, þannig breytt, borin upp og staðfest á 260. fundi sveitarstjórnar með níu atkvæðum.