Byggðarráð Svf. Skagafjarðar

Lögð fram umsókn dagsett 2. júní 2020 frá Sótahnjúk ehf. um rekstur sundlaugarinnar á Sólgörðum í Fljótum.
Byggðarráð tekur jákvætt í umsóknina og felur sveitarstjóra að boða forsvarsmenn á næsta fund ráðsins til viðræðna.

Lagt fram bréf dagsett 3. júní 2020 frá Öryggisfjarskiptum ehf. þar sem óskað er eftir því að fá að staðsetja forsmíðað smáhýsi undir vararafstöð við suðurgafl Miðgarðs - menningarhúss, til þess að raffæða farsímasenda sem eru í Miðgarði og leggja nauðsynlegar raflagnir þar að lútandi.
Byggðarráð samþykkir fyrir sitt leyti að heimila framkvæmdina og vísar erindinu til afgreiðslu byggingarfulltrúa.

Lagður fram tölvupóstur úr máli 2005118 hjá sýslumannsembætti Norðurlands vestra. Með umsókn dagsettri 26.05.2020. sækir Gústaf Gústafsson, f.h. Hjaltadalur ferðaþjónusta ehf., kt. 480520-0250, um leyfi til að reka gististað í flokki II, 8 íbúðir að Geitagerði 2, 551 Sauðárkróki.
Byggðarráð gerir ekki athugasemdir við umsóknina.

Lagður fram tölvupóstur dagsettur 29. maí 2020 þar sem samgöngu- og sveitarstjórnarráðuneytið kynnir til samráðs mál nr. 111/2020, "Drög að reglugerð um öryggi net- og upplýsingakerfa mikilvægra innviða". Umsagnarfrestur er til og með 18.06.2020.

Lagður fram tölvupóstur dagsettur 2. júní 2020 þar sem heilbrigðisráðuneytið kynnir til samráðs mál nr. 112/2020, "Reglugerð um neyslurými". Umsagnarfrestur er til og með 30.06.2020.