Byggðarráð Svf. Skagafjarðar

Samband íslenskra sveitarfélaga setti á stofn í október síðast liðnum, stafrænt ráð um samvinnu sveitarfélaga í stafrænni þróun. Fram kemur í bókun fundar stjórnar Sambands íslenskra sveitarfélaga eftirfarandi: "Stjórnin er jákvæð fyrir því að stofnað verði miðlægt tækniteymi sambandsins sem kostað verði af sveitarfélögunum skv. tillögu um kostnaðarþátttöku árið 2021. Forsenda þess að teymið verði stofnað er að meginþorri sveitarfélaga taki þátt í verkefninu en mikilvægt er að kynna það vel fyrir sveitarfélögum á næstu vikum. Gert er ráð fyrir að verkefnið sé tímabundið, til tveggja ára fyrst um sinn, með mögulegri framlengingu.
Stjórnin samþykkir einnig tillögu um feril ákvarðanatöku Stafræns ráðs við val á forgangsverkefnum og leggur áherslu á að ferlið verði kynnt vel fyrir öllum sveitarfélögum."
Byggðarráð samþykkir að taka þátt í samstarfinu.

Lagður fram tölvupóstur dagsettur 8. desember 2020 frá samgöngu- og sveitarstjórnarráðuneytinu þar sem vakin er athygli á áliti í máli SRN20110042 sem varðar notkun fjarfundarbúnaðar á fundum sveitarstjórna og nefnda sveitarfélaga.

Lagður fram samningur á milli Skagfirskra leiguíbúða hses og Sveitarfélagsins Skagafjarðar um stofnframlag vegna byggingar leiguíbúða við Laugatún 21-23 og 25-27, samtals 32.915.727 kr.
Byggðarráð samþykkir framlagðan samning og vísar honum til afgreiðslu sveitarstjórnar.

Lögð fram svohljóðandi bókun 72. fundar veitunefndar. "Farið yfir forsendur gjaldskrár vatnsveitu 2021. Vatnsgjald er reiknað af öllum fasteignum, sem eru gjaldskyldar, skal greiða vatnsgjald sem nemur 0,16% af álagningarstofni. Lágmarksgjald skal vera pr. rúmmetra kr. 44,94 og hámarksgjald pr. rúmmetra kr. 53,67. Veitunefnd samþykkir að vatnsgjald verði óbreytt og vísar til byggðaráðs."
Byggðarráð samþykkir gjaldskrána og vísar henni til afgreiðslu sveitarstjórnar.

Lögð fram svohljóðandi bókun 72. fundar veitunefndar: "Lögð var fram tillaga um 2,5% hækkun á gjaldskrá sjóveitu fyrir árið 2021. Veitunefnd samþykkir tillöguna og vísar til byggðarráðs."
Byggðarráð samþykkir gjaldskrána og vísar henni til afgreiðslu sveitarstjórnar.

Lögð fram svohljóðandi bókun 72. fundar veitunefndar: "Lögð var fram tillaga um 2,5% hækkun á gjaldskrá hitaveitu fyrir árið 2021. Veitunefnd samþykkir tillöguna og vísar til byggðarráðs. Lagt er til að gjaldskrá hitaveitunnar verði endurskoðuð á miðju ári 2021."
Byggðarráð samþykkir gjaldskrána og vísar henni til afgreiðslu sveitarstjórnar.

Lagðar fram reglur um heilsuræktarstyrki til starfsmanna sveitarfélagsins vegna ársins 2021.
Byggðarráð samþykkir að heilsuræktarstyrkur til starfsmanna verði allt að 15.000 kr. á árinu 2021.

Lögð fram fjárhagsáætlun málaflokks 05-Menningarmál.

Lögð fram fjárhagsáætlun málaflokks 13-Atvinnu- og ferðamál.

Lagður fram tölvupóstur dagsettur 11. desember 2020 þar sem umhverfis- og samgöngunefnd Alþingis sendir til umsagnar frumvarp til laga um Hálendisþjóðgarð, 369. mál.
Málið rætt.

Lagður fram tölvupóstur dagsettur 7. desember 2020 þar sem atvinnuvega- og nýsköpunarráðuneytið kynnir til samráðs mál nr. 262/2020, "Reglugerð um breytingu á reglugerð um söfnun gagna um framleiðslu, innflutning, geymslu og sölu á eldsneyti".
Byggðarráð samþykkir að fela sveitarstjóra að senda inn umsögn í samræmi við umræður á fundinum.

Lagður fram tölvupóstur dagsettur 10. desember 2020 þar sem dómsmálaráðuneytið kynnir til samráðs mál nr. 264/2020, "Áform um breytingar á lögum um aðgerðir gegn peningaþvætti og fjármögnun hryðjuverka".

Lagðar fram til kynningar rekstrarupplýsingar fyrir tímabilið janúar-október 2020.

Lagður fram til kynningar ársreikningur Náttúrustofu Norðurlands vestra fyrir árið 2019.