Byggðarráð Svf. Skagafjarðar

Lagt fram ódagsett bréf þar sem stjórn Markaðsstofu Norðurlands skorar á sveitarfélög að styðja vel við rekstur skíðasvæða. Skíðasvæði gegna mikilvægu hlutverki í vetrarferðaþjónustu. Byggðarráð þakkar fyrir brýninguna og óskar skíðasvæðum á Norðurlandi velgengi í skíðavertíðinni sem framundan er.

Lagður fram samningur á milli Bæjartúns hses og Sveitarfélagsins Skagafjarðar um stofnframlag vegna byggingar leiguíbúða við Freyjugötu á Sauðárkróki. Byggðarráð samþykkir framlagðan samning fyrir sitt leyti og felur sveitarstjóra að ganga frá honum. Byggðarráð vísar samningnum jafnframt til afgreiðslu sveitarstjórnar.

Lagður fram tölvupóstur úr máli 2012119, frá sýslumannsembættinu á Norðurlandi vestra, dagsettur 14. desember 2020. Með vísan til 10. gr. laga nr. 85/2007, svo og 26. gr. reglug. nr. 1277/2016 er óskað umsagnar um umsókn dags. 07.12. 2020 frá Guðrúnu Sonju Birgisdóttur, Vogum, 565 Hofsósi, f.h. Retro ehf., kt.691216-1010, um leyfi til að reka veitingastað í flokki III, að Baldurshaga fnr. 214-3729, 565 Hofsós.
Byggðarráð gerir ekki athugasemd við umsóknina.

Lagður fram tölvupóstur dagsettur 14. desember 2020 úr máli 2012121, frá sýslumannsembættinu á Norðurlandi vestra. Með vísan til 10. gr. laga nr. 85/2007, svo og 26. gr. reglug. nr. 1277/2016, er óskað eftir umsögn um umsókn dags. 30.11. 2020 frá Peony Wiedemann, Hellulandi, 551 Sauðárkrókur, f.h. Helluland 551 ehf, um leyfi til að reka gististað í flokki II að Hellulandi, fnr.2142383, 551 Sauðárkróki.
Byggðarráð gerir ekki athugasemd við umsóknina.

Lagt fram til kynningar bréf dagsett 17. desember 2020 frá Sambandi íslenskra sveitarfélaga varðandi lokaskýrslu Húsnæðis- og mannvirkjastofnunar um tilraunaverkefni um sérstakan húsnæðisstuðning.

Lagt fram til kynningar bréf dagsett 15. desember 2020 frá Sambandi íslenskra sveitarfélaga varðandi tillögur Velferðarvaktarinnar til ríkis og sveitarfélaga í mótvægisaðgerðum vegna COVID-19.