Byggðarráð Svf. Skagafjarðar

Lagt fram bréf frá Sambandi ísl. sveitarfélaga þar sem sveitarfélaginu er boðið að koma fram sjónarmiðum þess varðandi stefnumótun Sambands íslenskra sveitarfélaga í málefnum innflytjenda. Byggðarráð samþykkir að fela sveitarstjóra að svara erindinu.

Með tilvísun í gildandi samning Sveitarfélagsins Skagafjarðar og Umf. Tindastóls frá 22.04. 2002 og upplýsingaskyldu félagsins um fjármál þess gagnvart sveitarfélaginu, samþykkir byggðarráð að bókhald ungmennafélagsins verði fært í gagnagrunni sveitarfélagsins til loka samningsins árið 2012, enda beri sveitarfélagið ekki kostnað af þessu.

Lagt fram fundarboð félagsfundar í Svartárdeild Veiðifélags Skagafjarðar 24. febrúar 2008. Byggðarráð samþykkir að fela landbúnaðarnefnd að senda fulltrúa fyrir hönd sveitarfélagsins á fundinn.

Heimsókn forseta Íslands í Skagafjörð 15.-16. apríl 2008. Byggðarráð samþykkir að fela sviðsstjóra markaðs- og þróunarsviðs að sjá um undirbúning móttökunnar í samráði við sveitarstjóra og samvinnu við Akrahrepp.

Lagt fram til kynningar bréf frá Landgræðslu ríkisins varðandi verkefnið Héraðsáætlanir Landgræðslunnar.

Lagt fram til kynningar bréf frá Sambandi ísl. sveitarfélaga varðandi XXII. landsþing Sambands ísl. sveitarfélaga.

Verksamningur við Ó.K. Gámaþjónustu-sorphirðu ehf. Vísað frá umhverfis- og samgöngunefnd. Byggðarráð staðfestir afgreiðslu umhverfis- og samgöngunefndar.

Verksamningur við Ó.K. Gámaþjónustu-sorphirðu ehf. Vísað frá umhverfis- og samgöngunefnd. Byggðarráð staðfestir afgreiðslu umhverfis- og samgöngunefndar.