Byggðarráð Svf. Skagafjarðar

Undir þessum dagskrárlið kom á fund byggðarráðs framkvæmdastjórn Heilbrigðisstofnunarinnar Sauðárkróki til viðræðu um málefni stofnunarinnar.

Lögð fram drög að reglum um húsnæðismál, ásamt bókun 183. fundar félags- og tómstundanefndar. Gunnar M. Sandholt félagsmálastjóri kom á fundinn undir þessum dagskrárlið og kynnti drögin að reglunum.

Byggðarráð samþykkir að fela félagsmálastjóra að gera þær breytingar á drögunum sem ræddar voru á fundinum og leggja uppfærð drög að reglum um húsnæðismál fyrir næsta fund byggðarráðs.

Málið áður á dagskrá 583. fundar byggðarráðs og 183. fundar félags- og tómstundanefndar. Atvinnuátakinu "Vinnandi vegur", er ætlað að vinna gegn langtímaatvinnuleysi.

Byggðarráð samþykkir að veita heimild til þátttöku í verkefninu.

Lögð fram bókun fundar samstarfsnefndar með Akrahreppi frá 5. mars 2012 um að sveitarfélögin leiti leiða til að leysa til sín 12,5% hlut ríkisins í Norðurbrún 1 og síðan verði eignin auglýst til sölu.

Byggðarráð samþykkir að 12,5% hlutur ríkisins í Norðurbrún verði keyptur í félagi við Akrahrepp.

Lagt fram bréf frá umhverfisráðuneytinu þar sem óskað er eftir athugasemdum við drög að frumvarpi til breytinga á lögum nr. 55/2003, um meðhöndlun úrgangs, vegna innleiðingar á úrgangstilskipun 2008/98/EB. Erindið fer einnig til umfjöllunar í umhverfis- og samgöngunefnd.

Afgreiðslu frestað.

Málinu vísað frá 183. fundi félags- og tómstundanefndar, með svohljóðandi bókun: "Lagður fram samningur við Júlíus Rúnar Þórðarson um akstur vegna heimsendingar matar til aldraðra og öryrkja árið 2012. Um er að ræða endurnýjun samnings frá fyrra ári með verðbótum. Samþykkt og vísað til byggðarráðs."

Byggðarráð samþykkir framlagðan samning.

Lagður fram tölvupóstur frá bæjarstjóra Fjallabyggðar, Sigurði Val Ásbjarnarsyni, þar sem hann leggur til að fulltrúar sveitarfélaganna hittist og ræði sameiginleg hagsmunamál.

Byggðarráð tekur jákvætt í erindið og felur sveitarstjóra að koma fundinum á í samráði við bæjarstjóra Fjallabyggðar.

Lagt fram bréf frá stjórn Veiðifélags Húseyjarkvíslar þar sem óskað er eftir upplýsingum frá eigendum jarða sem veiðirétt eiga í Húseyjarkvísl um hver fari með atkvæðisrétt jarðarinnar.

Byggðarráð vísar erindinu til afgreiðslu landbúnaðarnefndar.

Mannvirkjastofnun hefur m.a. eftirlit með framkvæmd laga um mannvirki og laga um brunavarnir. Stofnunin skal tryggja samræmingu á byggingareftirliti og eldvarnaeftirliti og starfsemi slökkviliða um land allt í samráði við viðkomandi stjórnvöld. Á ráðstefnu ársins 2012 sem haldin verður 15. og 16. mars verður m.a. fjallað um verkefni, skyldur, rekstur og fjárreiður slökkviliða.

Lagt fram til kynningar.

Lagt fram til kynningar erindi frá Viðlagatryggingu Íslands um uppfærslu á tryggingarmati fráveitu- og hafnarmannvirkja.