Atvinnuátakið Vinnandi vegur

Lagður fram tölvupóstur frá Sambandi íslenskra sveitarfélaga til kynningar á atvinnuátakinu "Vinnandi vegur", sem ætlað er að vinna gegn langtímaatvinnuleysi. Aðilar verkefnisins eru ásamt Sambandi íslenskra sveitarfélaga, ríkisstjórn Íslands, Reykjavíkurborg, Alþýðusamband Íslands, Samtök atvinnulífsins, BSRB og BHM.

Byggðarráð samþykkir að vísa erindinu til félags- og tómstundanefndar.

Félags- og tómstundanefnd beinir þeim tilmælum til byggðarráðs að heimild verði veitt til að taka þátt í samstarfinu "vinnandi vegur" ef það gagnast þeim tveimur einstaklingum sem nú eru að missa bótarétt. Nefndin leggur áherslu á að nýtt verði þau samstarfsúrræði sem eru til staðar í sveitarfélaginu, einkum í tengslum við Virk - starfsendurhæfingu. Nefndin leggur jafnframt áherslu á að þau úrræði sem beitt verður í þessu átaksverkefni séu sniðin að þörfum og getu viðkomandi einstaklinga og aðstæðum hér heima fyrir.

Málið áður á dagskrá 583. fundar byggðarráðs og 183. fundar félags- og tómstundanefndar. Atvinnuátakinu "Vinnandi vegur", er ætlað að vinna gegn langtímaatvinnuleysi.

Byggðarráð samþykkir að veita heimild til þátttöku í verkefninu.

Málið kynnt. Gunnar Sandholt hefur samband við fulltrúa VMST og fer yfir málið.