Félags- og tómstundanefnd Svf. Skagafjarðar

Til fundar við nefndina mættu Auður Björk Birgisdóttir og Rúnar Páll Hreinsson, Grindum, til að ræða umsókn sína um að halda miðnætursund í sundlauginni á Hofsósi.
Auður og Rúnar óska eftir samstarfi við sveitarfélagið, fyrir fyrirtæki sitt Infinity Blue, þar sem sveitarfélagið leggur sundlaugina til endurgjaldslaust í 9 mánuði til reynslu.
Nefndin samþykkir erindið fyrir sitt leyti og vísar erindinu til Byggðarráðs.

Lagt fram til kynningar erindi Jafnréttisstofu.

Lögð fram til kynningar skýrsla verkefnisstjórnar um jafnt búsetuform barna.

Félags- og tómstundanefnd samþykkir að bráðabirgðaákvæði 3. og 4. mgr. 10 greinar reglna um niðurgreiðslu Sveitarfélagsins Skagafjarðar á daggæslu í heimahúsum sem sett voru 2011 verði felldar inn í reglurnar og þær samþykktar þannig. Vísað til sveitarstjórnar.

Þorvaldur kynnti aðsóknartölur í sundlaugum sveitarfélagsins fyrir fyrstu 5 mánuði ársins. Aðsókn hefur aukist að meðatali um 40% í laugarnar á því tímabili.

Fyrir liggur tillaga að gjaldskrá fyrir garðslátt 2016 sem hér segir:
Garður minni en 500 fm, fullt verð kr. 6.500.- / 3.700.- f. eldri borgara og öryrkja
Garður stærri en 500 fm, fullt verð kr. 9.900.- / 6.200.- f. eldri borgara og öryrkja
Nefndin samþykkir tillöguna fyrir sitt leyti og vísar gjaldskránni til Byggðarráðs.

Nefndin samþykkir tillögu um lengda opnun sundlauganna í Hofsósi og í Varmahlíð vegna Landsmóts Hestamanna.
Opnunin verður auglýst á heimsíðu sveitarfélagsins þegar nær dregur.