Félags- og tómstundanefnd Svf. Skagafjarðar

Lögð fram til kynningar umsókn frá Kvennaathvarfinu um rekstrarstyrk fyrir árið 2009. Sveitarfélagið hefur veitt Kvennaathvarfinu rekstrarstyrki undanfarin ár og er málinu vísað til umræðu um styrki að lokinni gerð fjárhagsáætlunar.

Þjónustuhópur aldraðra skal starfa í sveitarfélaginu skv. lögum um málefni aldraðra. Með nýjum lögum um vistunarmat hefur hlutverki þjónustuhóps verið breytt og hefur dregist að fullskipa í hópinn.
Lagt fram bréf Þórunnar Elfu Guðnadóttur þar sem hún óskar lausnar frá setu í þjónustuhópi aldraðra. Bréfinu vísað til sveitarstjórnar. Jafnframt lagt til við sveitarstjórn að félagsmálastjóri verði skipaður í hennar stað og að leitað verði tilnefningar fulltrúa Heilbrigðisstofnunar og Félags eldri borgara í Skagafirði í þjónustuhópinn.

Nefndin samþykkir fyrir sitt leyti að leigja íþróttahúsið undir samkomuna, enda liggi fyrir samþykki Brunavarna og Heilbrigðiseftirlits um hámarksfjölda samkomugesta.
Frístundastjóra falið að afgreiða aðrar umsóknir sem eru í farvatninu með sambærilegum hætti.

Jenný Inga Eiðsdótttir leggur fram eftirfarandi tillögu:
"Félags- og tómstundanefnd beinir því til Framkvæmdaráðs sveitarfélagsins að beita sér fyrir sölu- og nytjamarkaði í Reiðhöllinni þar sem fólki og félagasamtökum yrði gefinn kostur að auka tekjur sínar og koma heimilisiðnaði og -framleiðslu, notuðum hlutum og fötum, jólavarningi osfrv. á framfæri auk þess sem fólk getur komið saman og átt ánægjulegan dag saman í skammdeginu."
Samþykkt samhljóða.