Fræðslunefnd

Á fundi sínum þann 23. Júní s.l. áskildi nefndin sér rétt til að endurskoða skóladagatal Ársala með tilliti til þeirra breytinga sem eiga sér stað á starfsumhverfi leikskóla almennt. Unnið er að endurskipulagningu vinnustyttingu starfsfólks með það að markmiði að einfalda innra starf skólans. Það skipulag kann að hafa áhrif á þá fundi sem búið er að fastsetja í skóladagatalinu. Með hliðsjón af því er lagt til að þeir starfsmannafundir sem lenda á mánudegi og miðvikudegi færist yfir á þriðjudag og fimmtudag. Skóladagatalið verður kynnt að nýju með svofelldum breytingum.

Við upphaf skólaársins 2022-2023 er heildarnemendafjöldi í leikskólum Skagafjarðar 237 nemendur og hefur fjölgað um 6 frá fyrra ári. Grunnskólabörn verða 533 en voru 539 á síðasta skólaári. Fjöldi nemenda í Tónlistarskóla Skagafjarðar liggja ekki fyrir.

Menntastefna Skagafjarðar lögð fram til kynningar. Gert er ráð fyrir að hún verði endurskoðuð á næsta ári.

Erindi frá UNICEF um ráðstefnu sem ber yfirskriftina ,,Tækifæri til áhrifa“ lagt fram til kynningar. Ráðstefnan verður haldin á Hótel Natura í Reykjavík þann 15. september n.k. kl. 11:30-17:00

Tvö mál tekin fyrir og afgreidd.