Landbúnaðarnefnd Svf. Skagafjarðar

Ingvar Páll Ingvarsson kynnti væntanlega framkvæmd við lagfæringu og endurbyggingu á Mælifellsrétt. Verða núverandi útveggir fjarlægðir og nýjir settir í staðinn úr galvanhúðuðu efni. Framkvæmdakostnaður verður tekinn af fjárveitingu frá fyrri árum.

Lögð fram umsókn um leyfi til búfjárhalds frá Símoni Inga Gestssyni, kt. 231244-6899, dagsett 6. september 2016. Sótt er um leyfi fyrir 10 hross.

Landbúnaðarnefnd samþykkir leyfi fyrir framangreindum fjölda hrossa.

Lögð fram tilkynning dagsett 22. september 2016 frá MAST, undirrituð af Jóni Kolbeini Jónssyni, héraðsdýralækni Norðvesturumdæmis varðandi riðusmit í sauðfé frá Brautarholti.

Landbúnaðarnefnd vill ítreka við bændur almennt að þeir fari eftir lögum og reglum hvað varðar hey- og fjárflutninga milli svæða og bæja, einnig notkun tækja og tóla, til að sporna við mögulegu riðusmiti.

Lögð fram tilkynning dagsett 13. október 2016 frá MAST, undirrituð af Jóni Kolbeini Jónssyni, héraðsdýralækni Norðvesturumdæmis varðandi riðusmit í sauðfé frá Stóru-Gröf ytri.

Landbúnaðarnefnd vill ítreka við bændur almennt að þeir fari eftir lögum og reglum hvað varðar hey- og fjárflutninga milli svæða og bæja, einnig notkun tækja og tóla, til að sporna við mögulegu riðusmiti.

Fjallskilamál Hofsóss og Unadals rædd.

Lögð fram drög að fjárhagsáætlun 2017 vegna landbúnaðarmála.

Landbúnaðarnefnd samþykkir fyrirliggjandi drög til fyrri umræðu.

Lögð fram til kynningar samantekt um refa- og minkaveiði í sveitarfélaginu á tímabilinu 1. september 2015 til 31. ágúst 2016. Samtals voru veiddir 338 refir, 262 grendýr og 76 hlaupadýr. Veiddir voru 142 minkar.

Lagt fram til kynningar bréf dagsett 1. september 2016 frá Fjallabyggð varðandi fjallskil ásamt samkomulagi dagsettu 31. ágúst 2016, um fjallskil í Héðinsfirði milli Fjallskiladeildar Austur-Fljóta, Fjallabyggðar og starfshóps um fjallskil í Fjallabyggð.

Lagður fram til kynningar ársreikningur Fjallskilasjóðs Deildardals fyrir árið 2015.

Lagður fram til kynningar ársreikningur Fjallskilasjóðs Hofsafréttar fyrir árið 2015.

Lagður fram til kynningar leiðréttur ársreikningur Staðarafréttar fyrir árið 2015.