Gagnaveita Skagafjarðar - Hlutafjáraukning

Lögð fram drög að hluthafasamkomulagi milli Gagnaveitu Skagafjarðar ehf annars vegar og Skagafjarðarveitna ehf, Kaupfélags Skagfirðinga og Sveitarfélagsins Skagafjarðar hins vegar um hlutafjáraukningu að upphæð kr. 90.000.000 samtals árin 2008 og 2009.
Byggðarráð samþykkir að taka þátt í fyrirhugaðri hlutafjáraukningu samkvæmt fyrirlögðum drögum með þeim fyrirvara að aðrir hluthafar geri það einnig. Fjármögnuninni er vísað til endurskoðunar fjárhagsáætlunar og mætt með lántöku ef þörf krefur.

Afgreiðsla 438. fundar byggðarráðs staðfest á 230. fundi sveitarstjórnar með níu atkvæðum.

Lagt fram hluthafasamkomulag dagsett 3. febrúar 2009 á milli Sveitarfélagsins Skagafjarðar, Skagafjarðarveitna ehf og Kaupfélags Skagfirðinga annars vegar og Gagnaveitu Skagafjarðar hins vegar um hlutafjáraukningu á árinu 2009 að upphæð 55 milljónir króna. Málið áður á dagskrá 438. fundar byggðarráðs.
Byggðarráð samþykkir hluthafasamkomulagið eins og það er fyrir lagt.

Hluthafasamkomulag dagsett 3. febrúar 2009 á milli Sveitarfélagsins Skagafjarðar, Skagafjarðarveitna ehf og Kaupfélags Skagfirðinga annars vegar og Gagnaveitu Skagafjarðar hins vegar, um hlutafjáraukningu á árinu 2009 að upphæð 55 milljónir króna, borið upp sérstaklega á 242. fundi sveitarstjórnar 17.02.09 og afgreiðsla 466. fundar byggðarráðs samþykkt með níu atkvæðum.