Úthlutun byggðakvóta fiskveiðiársins 2009/2010
Málsnúmer 0910051
Vakta málsnúmerSveitarstjórn Sveitarfélagins Skagafjarðar - 254. fundur - 10.11.2009
Afgreiðsla 54. fundar atvinnu og ferðamálanefndar staðfest á 254. fundi sveitarstjórnar með níu atkvæðum.
Atvinnu- og ferðamálanefnd - 58. fundur - 11.03.2010
Fjallað um úthlutun byggðakvóta fyrir byggðalög í Skagafirði fyrir fiskveiðiárið 2009-2010.
Nefndin leggur til við sveitarstjórn að eftirfarandi samþykkt verði send Sjávarútvegs- og Landbúnaðarráðuneytinu:
Sveitarstjórn Skagafjarðar beinir því til Sjávarútvegs- og landbúnaðarráðuneytis að reglum fyrir úthlutun byggðakvóta til byggðalaga í Sveitarfélaginu Skagafirði fyrir fiskveiðiárið 2009-2010 verði breytt á þann veg að vinnsluskylda í viðkomandi byggðalagi verði felld niður.
Fyrrgreind samþykkt komi í stað áður samþykktra tillagna um úthlutun áðurnefnds byggðakvóta.
Sveitarstjórn Sveitarfélagins Skagafjarðar - 260. fundur - 16.03.2010
Sigurður Árnason leggur fram breytingartillögu við bókun atvinnu- og ferðamálanefndar frá 11. mars að við samþykktina bætist eftirfarandi: Að öðru leiti fari úthlutun byggðakvóta fram samkvæmt því fyrirkomulagi sem í gildi er í lögum og reglugerðum varðandi nýtingu byggðakvóta í Skagafirði yfir yfirstandandi fiskveiðiár.
Gísli Árnason lagði fram eftirfarandi breytingartillögu að texta: " að í stað: að vinnsluskylda í viðkomandi byggðalagi verði felld niður" komi eftirfarnandi texti."..að aflétt verði vinnsluskyldu sbr. ákvæði 1.mgr. 60 gr. reglugerðar nr 82/2010"
Hlé var gert á fundi, Gísli Árnason tók til máls og dró tillögu sína tilbaka vegna upplýsinga sem fram komu á fundinum.
Breytingatillaga Sigurðar Árnasonar borin undir atkvæði og samþykkt samhljóða.
Tillagan hljóðar þá eftirfarandi:
"Sveitarstjórn Skagafjarðar beinir því til Sjávarútvegs- og landbúnaðarráðuneytis að reglum fyrir úthlutun byggðakvóta til byggðalaga í Sveitarfélaginu Skagafirði fyrir fiskveiðiárið 2009-2010 verði breytt á þann veg að vinnsluskylda í viðkomandi byggðalagi verði felld niður. Að öðru leiti fari úthlutun byggðakvóta fram samkvæmt því fyrirkomulagi sem í gildi er í lögum og reglugerðum varðandi nýtingu byggðakvóta í Skagafirði yfir yfirstandandi fiskveiðiár.
Afgreiðsla 58. fundar atvinnu- og ferðamálanefndar, þannig breytt, borin upp og staðfest á 260. fundi sveitarstjórnar með níu atkvæðum.
Lagt fram erindi frá sjávarútvegsráðuneyti dags. 12. okt þar sem sveitarfélaginu er gefinn kostur á að sækja um byggðakvóta fyrir fiskveiðiárið 2009-2010. Umsókn hefur þegar verið send ráðuneytinu.