Heimsókn fulltrúa Sveitarfélagsins Hornafjörður

Lögð fram til kynningar hugmynd frá Skúla Skúlasyni um mögulegt samstarf sveitarfélaganna Hornafjarðar og Skagafjarðar varðandi uppbyggingu þekkingarsamfélags.

Guðmundur ræðir málið við Byggðaráð.

Lögð fram drög að samningi á milli Sveitarfélagsins Skagafjarðar og Sveitarfélagsins Hornafjarðar um aukið samstarf héraðanna á sviði þekkingarstarfsemi. Markmið samningsins er að efla núverandi samstarf og samráð varðandi eflingu þekkingarstarfsemi í framangreindum sveitarfélögum.

Byggðarráð tekur jákvætt í erindið og felur sveitarstjóra að vinna frekar að málinu.

Erindið áður á 509. fundi byggðarráðs. Lögð fram drög að viljayfirlýsingu um aukið samstarf á sviði þekkingarstarfsemi á milli Sveitarfélagsins Hornafjarðar og Sveitarfélagins Skagafjarðar.

Byggðarráð leggur til við sveitarstjórn að viljayfirlýsingin verði staðfest. Undirritun hennar fer fram í dag með fyrirvara um samþykki sveitarstjórnar.

Lögð fram til kynningar drög að viljayfirlýsingu sem undirrituð verður í dag milli forsvarsmanna Sveitarfélagsins Skagafjarðar og Sveitarfélagsins Hornafjarðar um samstarf á sviði uppbyggingar á þekkingarstarfsemi.

Viljayfirlýsingin borin undir atkvæði og samþykkt samhljóða.

Afgreiðsla 510. fundar byggðaráðs staðfest á 261. fundi sveitarstjórnar með níu atkvæðum.

Afgreiðsla 59. fundar atvinnu- og ferðamálanefndar staðfest á 261. fundi sveitarstjórnar með níu atkvæðum.