Hlutafé í Íshestum

Lagt fram erindi frá Nýsköpunarsjóði atvinnulífsins (NSA) þar sem tilkynnt er að sjóðurinn hafi ákveðið að selja hlutafé sitt í Íshestum ehf. ef söluverð verði ásættanlegt að hans mati. Sveitarfélagið er hluthafi í Íshestum ehf og á forkaupsrétt samkvæmt samþykktum félagsins. VJI Ráðgjöf hefur verið falið af NSA að verðmeta félagið og finna kaupendur að hlut sjóðsins.

Byggðarráðið samþykkir að nýta ekki forkaupsrétt sinn og felur sveitarstjóra að leita eftir þvi við VJI Ráðgjöf að sjá um að selja hlut sveitarfélagsins í Íshestum ehf. á hámarksvirði.

Afgreiðsla 540. fundar byggðaráðs staðfest á 273. fundi sveitarstjórnar með níu atkvæðum.