Skotta kvikmyndafelag - Aðalgata 24

Árni Gunnarsson og Guðbrandur Ægir Ásbjörnsson frá Skottu kvikmyndafélagi og Sviðsljósum komu til fundarins og kynntu starfsemi sinna fyrirtækja og klasastarfsemi sem þeir eru með á Sauðárkróki.

Byggðarráð samþykkir að vísa málinu til Atvinnu- og ferðamálanefndar til umfjöllunar.

Afgreiðsla 556. fundar byggðaráðs staðfest á 280. fundi sveitarstjórnar með níu atkvæðum.

Tekið fyrir erindi frá Skottu kvikmyndarfélagi, f.h. Klasahóps í Aðalgötu 24 þar sem óskað er eftir styrks er samsvarar fasteignagjöldum. Erindinu var vísað til nefndarinnar af Byggðarráði.

Nefndin fagnar því frumkvöðlastarfi sem fram fer innan klasans. Nefndin telur þó ekki hægt að verða við erindinu, þar sem óheimilt er að veita afslætti af fasteignagjöldum. Hins vegar bendir nefndin á að hægt er að sækja um stuðning við nýsköpunarstarfsemi á borð við þá sem klasinn vinnur að.

Erindi um styrkbeiðni til klasastarfsemi á Sauðárkróki, áður á dagskrá 556. fundar byggðarráðs og var þá vísað til umfjöllunar á 75. fundi atvinnu- og ferðamálanefndar.

Byggðarráð tekur undir bókun atvinnu- og ferðamálanefndar.

Afgreiðsla 567. fundar byggðaráðs staðfest á 283. fundi sveitarstjórnar með átta atkvæðum.

Afgreiðsla 75. fundar atvinnu- og ferðamálanefndar staðfest á 283. fundi sveitarstjórnar með átta atkvæðum.