Nýting Gamla Barnaskólans við Freyjugötu

Lagt fram bréf frá Birni Björnssyni, þar sem hann viðrar hugmyndir um mögulega nýtingu á skólahúsinu við Freyjugötu í framtíðinni. Leggur hann til að settar verði á stofn minningarstofur um skagfirska listamenn s.s. málara og tónlistarmenn.
Byggðarráð áréttar að ekki hefur verið tekin ákvörðun um framtíð fasteignarinnar. Byggðarráð þakkar bréfritara fyrir góðar ábendingar og samþykkir að vísa erindinu til atvinnu- og ferðamálanefndar og einnig til menningar- og kynningarnefndar til umfjöllunar.

Afgreiðsla 634. fundar byggðaráðs staðfest á 305. fundi sveitarstjórnar með níu atkvæðum.

Atvinnu- og ferðamálanefnd þakkar erindið. Ekki liggur fyrir hver framtíð gamla barnaskólans á Sauðárkróki eða lóðarinnar sem hann stendur á verður þegar flutningum í nýtt húsnæði og tæmingu hússins verður lokið. Hugmyndir Björns Björnssonar og annarra verða hafðar til hliðsjónar þegar að þeirri ákvarðanatöku kemur.

Menningar- og kynningarnefnd þakkar erindið og bókar samhljóða atvinnu- og ferðamálanefnd: Ekki liggur fyrir hver framtíð gamla barnaskólans á Sauðárkróki eða lóðarinnar sem hann stendur á verður þegar flutningum í nýtt húsnæði og tæmingu hússins verður lokið. Hugmyndir Björns Björnssonar og annarra verða hafðar til hliðsjónar þegar að þeirri ákvarðanatöku kemur.

Afgreiðsla 92. fundar atvinnu- og ferðamálanefndar staðfest á 307. fundi sveitarstjórnar með níu atkvæðum.

Afgreiðsla 67. fundar menningar- og kynningarnefndar staðfest á 307. fundi sveitarstjórnar með níu atkvæðum.