Rotþró við Ströngukvíslarskála

Lagt fram bréf frá Upprekstrarfélagi Eyvindarstaðaheiðar, dagsett 12. ágúst 2015 þar sem óskað er eftir að eigendur Ströngukvíslarskála, Sveitarfélagið Skagafjörður og Húnavatnshreppur, komi að kaupum á rotþró og framkvæmd við uppsetningu hennar. Sveitarfélagið Skagafjörður á 12/17 hluta á móti Húnavatnshreppi.
Byggðarráð vísar erindinu til fyrirhugaðs fundar með Húnavatnshreppi um framtíðarskipulag og rekstrarform skálans.

Afgreiðsla 709. fundar byggðaráðs staðfest á 331. fundi sveitarstjórnar 16. september 2015 með átta atkvæðum.

Undir þessum dagskrárlið komu á fundinn fulltrúar Húnavatnshrepps, Þorleifur Ingvarsson og Einar Kristján Jónsson til viðræðu um viðhaldskostnað Ströngukvíslarskála og Galtarárskála á Eyvindarstaðaheiði svo og rekstur þeirra. Húnavatnshreppur á 5/17 hluta í skálunum en Sveitarfélagið Skagafjörður 12/17 hluta.
Samþykkt að koma á fundi með stjórn Eyvindarstaðaheiðar ehf. og fulltrúum sveitarfélaganna til að ræða eignarhald og rekstur skálanna til framtíðar.

Afgreiðsla 723. fundar byggðaráðs staðfest á 335. fundi sveitarstjórnar 20. janúar 2016 með níu atkvæðum.