Landsmót UMFÍ 2017

Lagt fram bréf frá stjórn Ungmennasambands Skagafjarðar (UMSS), dagsett 6. október 2015, þar sem stjórn sambandsins sækir um stuðning Sveitarfélagsins Skagafjarðar til að halda Landsmót UMFÍ í Skagafirði árið 2017.
Byggðarráð samþykkir að styðja UMSS til að sækja um að halda Landsmót UMFÍ í Skagafirði árið 2017. Góð reynsla hefur verið af landsmótum í Skagafirði undanfarin ár vegna góðs skipulags en ekki síður vegna góðrar umgjarðar og aðstöðu til svona keppnishalds.

Afgreiðsla 715. fundar byggðaráðs staðfest á 333. fundi sveitarstjórnar 11. nóvember 2015 með átta atkvæðum.

Lagt fram bréf dagsett 1. júní 2016 frá Ungmennafélagi Íslands (UMFÍ) þar sem tilkynnt er um að stjórn UMFÍ hafi á fundi sínum í mars s.l. samþykkt að færa 28. Landsmót UMFÍ yfir á árið 2018. Jafnframt verði Landsmót 50+ haldið samhliða mótinu það ár. Í tengslum við þessa ákvörðun óskar UMFÍ eftir staðfestingu frá Sveitarfélaginu Skagafirði um samþykki og stuðning líkt og fyrirhugað var fyrir árið 2017.
Byggðarráð staðfestir stuðning Sveitarfélagsins Skagafjarðar við Landsmót UMFÍ 2018.

Afgreiðsla 743. fundar byggðarráðs staðfest á 343. fundi sveitarstjórnar 8. júní 2016 með níu atkvæðum.