Fjárhagsáætlun 06 2021

Lagður fram rammi fyrir fjárhagsáætlun 06 fyrir árið 2021 ásamt tillögu að skiptingu fjármuna á milli stofnana frístundaþjónustu. Skiptingin tekur mið af núverandi rekstri en á eftir að taka breytingum samhliða áframhaldandi yfirferð með forstöðumönnum stofnana innan málaflokksins. Félags- og tómstundanefnd felur sviðsstjóra og starfsmönnum að vinna áfram að gerð fjárhagsáætlunar.

Fjárhagsáætlun fyrir málaflokk 06, frístundaþjónustu, lögð fram til seinni umræðu í nefndinni.
Félags og tómstundanefnd samþykkir fjárhagsáætlun málaflokks 06 fyrir árið 2021 eins og hún liggur fyrir núna og vísar henni til byggðarráðs og sveitarstjórnar.

Fjárhagsáætlun frístundaþjónustu hefur tekið örlitlum breytingum frá síðustu umræðu. Um er að ræða launaliði nokkurra stofnana sem voru vanreiknaðir við síðustu umræðu. Hækkanir nema u.þ.b. 1.5 milljón króna. Á móti hafa orðið lækkanir á innri gjöldum þannig að samtals nema hækkanir í málaflokki 06 um 350 þúsund krónum. Félags- og tómstundanefnd samþykkir áætlunina eins og hún liggur fyrir nú og vísar henni til síðari umræði í byggðarráði og sveitarstjórn.