Fræðslunefnd - 6
Málsnúmer 2209024F
Vakta málsnúmerSveitarstjórn Skagafjarðar - 5. fundur - 10.10.2022
Fundargerð 6. fundar fræðslunefndar frá 4. október 2022 lögð fram til afgreiðslu á 5. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.
-
Fræðslunefnd - 6 Lagður fram listi yfir lög og reglugerðir sem snerta málasvið 04 og ýmis sjónarmið þar að lútandi reifuð. Gert er ráð fyrir að allar reglur sveitarfélagsins verði endurskoðaðar á næstu vikum og að fræðslunefnd afgreiði reglur þessar frá sér til byggðarráðs á næsta fundi sínum, að svo miklu leyti sem hægt er. Bókun fundar Afgreiðsla 6. fundar fræðslunefndar staðfest á 5. fundi sveitarstjórnar 10. október 2022 með níu atkvæðum.
-
Fræðslunefnd - 6 Fram hefur komið sú hugmynd að setja upp eftirlitsmyndavélar við Árskóla og íþróttahúsið á Sauðárkróki. Fræðslunefnd ræddi málið og ýmis sjónarmið sem hafa þarf í huga varðandi ákvörðun um að setja upp eftirlitsmyndavélar þar sem börn eru í leik og starfi. Bent er á mikilvægi þess að skoða málið rækilega m.t.t. persónuverndarsjónarmiða Sviðsstjóra og starfsmönnum sviðsins falið að skila minnisblaði um málið fyrir næsta fund nefndarinnar. Bókun fundar Afgreiðsla 6. fundar fræðslunefndar staðfest á 5. fundi sveitarstjórnar 10. október 2022 með níu atkvæðum.
-
Fræðslunefnd - 6 Skólamatur í Ársölum og Árskóla hefur nokkuð verið til umræðu í samfélaginu, sbr. minnisblað sem fylgir í gögnum. Starfsmenn hafa fundað með samningshöfum um málið og hvatt til þess að matarmálum verði komið í lag í samræmi við lýsingu í útboðsgögnum og gildandi samning. Starfsmenn munu fylgja málinu eftir í samræmi við ákvæði samningsins. Bókun fundar Afgreiðsla 6. fundar fræðslunefndar staðfest á 5. fundi sveitarstjórnar 10. október 2022 með níu atkvæðum.
-
Fræðslunefnd - 6 Eitt mál tekið fyrir og afgreitt. Bókun fundar Afgreiðsla 6. fundar fræðslunefndar staðfest á 5. fundi sveitarstjórnar 10. október 2022 með níu atkvæðum.