Fræðslunefnd - 12

Málsnúmer 2303004F

Sveitarstjórn Skagafjarðar - 17. fundur - 13.09.2023

Fundargerð 12. fundar fræðslunefndar frá 9. mars 2023 lögð fram til afgreiðslu á 17. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.

.1 2303052 Framtíð skólaþjónustu

Fræðslunefnd - 12 Þann 6. mars s.l. boðaði mennta- og barnamálaráðherra til þjóðfundar um framtíð skólaþjónustu á Íslandi. Tilefni fundarins markaði upphaf stefnumótunar um samræmda skólaþjónustu í sveitarfélögum landsins sem uppfyllir lög og skyldur sveitarfélaga gagnvart nemendum. Í fylgiskjali er að finna kjarna þeirra umræðna sem fram fóru á fundinum. Bókun fundar Afgreiðsla 12. fundar fræðslunefndar staðfest á 17. fundi sveitarstjórnar 13. september 2023 með níu atkvæðum.
.2 2208205 Innleiðing samþættingar

Fræðslunefnd - 12 Þann 7. mars s.l. komu fulltrúar Barna og fjölskyldustofu, Bofs, til fundar við starfsmenn fjölskyldusviðs þ.m.t. starfsmenn leik-, grunn- og tónlistarskóla. Þá var fulltrúum FNV, HSN, UMSS og Lögreglunnar einnig boðið til fundarins. Á fundinum var innleiðing og ferli í kringum hana rædd. Vert er að ítreka að innleiðing og mótun verkferla tekur tíma, enda er gert ráð fyrir allt að fimm árum til innleiðingarinnar. Jöfnunarsjóður sveitarfélaga veitir fjármuni til verkefnisins sem eyrnamerktir eru til að mæta auknum kostnaði sveitarfélaga vegna verkefnisins, þ.m.t. fjölgun stöðugilda. Bókun fundar Afgreiðsla 12. fundar fræðslunefndar staðfest á 17. fundi sveitarstjórnar 13. september 2023 með níu atkvæðum.
.3 2303055 Úthlutun og ráðstöfun fjármuna í grunnskóla

Fræðslunefnd - 12 Þann 24. mars og 19. maí verða fulltrúar mennta- og barnamálaráðuneytisins með fundi á Sauðárkróki þar sem fjallað er um ráðstöfun fjármuna í grunnskólum á Norðurlandi vestra. Skagafjörður hefur tekið þátt í þróunarverkefni um úthlutun fjármagns á þessum vettvangi. Bókun fundar Afgreiðsla 12. fundar fræðslunefndar staðfest á 17. fundi sveitarstjórnar 13. september 2023 með níu atkvæðum.
.4 2303054 Grunnskólinn austan Vatna

Fræðslunefnd - 12 Boðað hefur verið til fundar með foreldrum barna í elsta árgangi leikskóla og grunnskólanum á Hólum þann 13. mars n.k. Tilgangur fundarins er að ræða skipulag og framtíð skólastarfsins. Bókun fundar Afgreiðsla 12. fundar fræðslunefndar staðfest á 17. fundi sveitarstjórnar 13. september 2023 með níu atkvæðum.
.5 2303056 Sumarleyfi á leikskkólanum Ársölum

Fræðslunefnd - 12 Lagt fram skjal með óskum foreldra leikskólans Ársala um sumarleyfi fyrir börn þeirra. Eins og fram hefur komið verður leikskólinn opinn allt sumarið en með þessu skipulagi er vonast til að auðveldara verði að skipuleggja sumarleyfi starfsmanna. Jafnframt er með þessu komið til móts við foreldra og samfélagið allt um sveigjanleika um sumarleyfistíma barnanna. Bókun fundar Afgreiðsla 12. fundar fræðslunefndar staðfest á 17. fundi sveitarstjórnar 13. september 2023 með níu atkvæðum.
.6 2302245 Samráð; Frumvarp til laga um þjónustustofnun á sviði menntamála

Fræðslunefnd - 12 Málinu vísað frá byggðarráði. Um er að ræða samráð um frumvarp til laga um þjónustustofnun á sviði menntamála. Eins og kunnugt er hefur verið ákveðið að leggja niður Menntamálastofnun og stofna nýja á grunni hennar. Grundvallarmunur er þó sá að hinni nýju stofnun er ætlað fyrst og fremst að vera þjónustustofnun við skólaþjónustur sveitarfélaga í stað stjórnsýslustofnunar. Fræðslunefnd fagnar þessum breytingum. Bókun fundar Afgreiðsla 12. fundar fræðslunefndar staðfest á 17. fundi sveitarstjórnar 13. september 2023 með níu atkvæðum.