Skipulags- og byggingarnefnd

Birkimelur 5 - fyrirspurn um byggingarleyfi. Málið áður á dagskrá nefndarinnar 13. maí sl., síðastliðinn og þá meðal annars bókað. "Birkimelur 5 - fyrirspurn um byggingarleyfi. Hrafnhildur Björnsdóttir kt. 170670-3299 og Jón Magnús Katarínusson kt. 091164-5079 eigendur einbýlishúss og bílskúrs sem stendur á lóðinni nr. 5 við Birkimel í Varmahlíð óska með bréfi dagsettu 30. apríl sl., umsagnar Skipulags- og byggingarnefndar Skagafjarðar vegna fyrirhugaðra viðbygginga og breytinga á þaki íbúðarhússins. Meðfylgjandi umsókn eru fyrirspurnaruppdrættir gerðir á Stoð ehf. Verkfræðistofu af Magnúsi Ingvarssyni kt. 171160-3249 og eru þeir dagsettir 30. apríl sl. Skipulags og byggingarnefnd samþykkir að grenndarkynna erindið." Eigendum eftirtalinna húsa við Birkimel. nr. 3, 7, 8a, 8b, 10, 12, 14, 16 og 18 var grenndarkynnt erindið. Engar athugasemdir bárust. Skipulags-og byggingarnefnd gerir ekki athugasemdir við fyrirhugaðar framangreindar framkvæmdir og mun taka erindið til byggingarleyfisafgreiðslu þegar fullgerðir aðaluppdrættir liggja fyrir.

Raftahlíð 48 - Umsókn um byggingarleyfi. Pétur Ingi Björnsson kt. 171270-5299, sækir með bréfi dagsettu 15.07.09., um leyfi til að byggja sólpall og skjólveggi á lóðinni nr. 48 við Raftahlíð ásamt því að koma fyrir setlaug á pallinum. Framlagðir uppdrættir dagsettir 9. júlí 09., gerðir af Skúla Bragasyni kt. 280272-3619. Fyrir liggur samþykki eigenda Raftahlíðar nr. 42, 44, 46 og nr. 50. Pallurinn er 2,3 metra inn á opið svæði, lóð Sveitarfélagsins. Erindið samþykkt. Vegna setlauga á lóðum vill skipulags- og byggingarnefnd sérstaklega bóka: Setlaugar á lóðum skulu búnar læsanlegu loki til að hylja þær, meðan þær eru ekki í notkun, eða öðrum búnaði til varnar slysum. Umhverfis setlaugarnar þarf að vera handrið þannig útbúið að ekki sé hætta á að börn geti dottið í setlaugina. Hitastýrð blöndunartæki eða búnaður þarf að vera svo að vatnshiti fari ekki yfir 43°C við töppunarstað.

Fellstún 13 - Umsókn um byggingarleyfi. Björn Sverrisson kt 010261-3099 og Hrefna Björg Guðmundsdóttir kt 170663-5789 sækja með bréfi dagsettu 18.06.09., um leyfi til að byggja sólpall, skjólveggi og garðhús á lóðinni nr. 13 við Fellstún, ásamt því að koma fyrir setlaug á pallinum. Framlagðir uppdrættir gerðir af Birni Sverrissyni, mótteknir já byggingarfulltrúa 25. júní sl. Fyrir liggur samþykki eigenda einbýlishúss sem stendur á lóðinni nr. 15 við Fellstún. Erindið samþykkt. Vegna setlauga á lóðum vill skipulags- og byggingarnefnd sérstaklega bóka: Setlaugar á lóðum skulu búnar læsanlegu loki til að hylja þær, meðan þær eru ekki í notkun, eða öðrum búnaði til varnar slysum. Umhverfis setlaugarnar þarf að vera handrið þannig útbúið að ekki sé hætta á að börn geti dottið í setlaugina. Hitastýrð blöndunartæki eða búnaður þarf að vera svo að vatnshiti fari ekki yfir 43°C við töppunarstað.

Borgarmýri 3A - Fyrirspurn um breytingu lóðar og byggingarleyfi. Fjólmundur Fjólmundsson kt 041047-7399 fh. Fjólmundar ehf. 570402-3660 sem er eigandi iðnaðarhúss sem stendur á lóðinni nr. 3a við Borgarmýri á Sauðárkróki sækir með bréfi dagsettu 16. júlí sl., um heimild til að breyta innangerð og útliti hússins ásamt því að gera húsið að þremur séreignum. Einnig óskað eftir að gerð verði aðkoma að lóðinni nr 3a við Borgarmýri frá Víðimýri. Fyrir liggur samþykki Kára Björns Þorsteinssonar fyrir hönd KÞ. Lagna sem er eigandi þess hluta hússins sem stendur á lóðinni nr. 3 við Borgarmýri.Lóðirnar Borgarmýri 3 og 3a verða sameinaðar samkvæmt lóðarblaði gerðu af tæknideild. Skipulags- og byggingarnefnd getur fallist á skiptingu húseignarinnar af fengnum aðaluppdráttum og eignaskiptayfirlýsingu sem tekur á skiptingu lóðarinnar og tekur þá afstöðu til aðkomuleiða að lóðinni.