Umhverfis- og samgöngunefnd Svf Skagafjarðar

Gerð grein fyrir þeirri nauðsyn að Strandvegurinn komist í "endanlega" planlegu og þar með ljúki því verkefni sem hófst 2003 og tengdist nýrri legu þjóðvegar um Þverárfjall og aðkomu hans að Sauðárkróki frá norðri. Um er að ræða mál sem varðar umferðaröryggi í þéttbýli. Farið yfir stöðu mála, sviðstjóra framkvæmdasviðs og sveitarstjóra falið að ítreka formlega ósk um að þetta sé sett á vegaáætlunarhluta samgönguáætlunar 2013.

Umræður um girðingar meðfram Þverárfjallsvegi, fyrri óskir áréttaðar um að Þverárfjallsvegur verði girtur til að stuðla að auknu umferðaröryggi.

Rætt var ástand héraðsvega í Skagafirði. Umhverfis-og samgöngunefnd skorar á Vegagerðina og Innanríkisráðherra að leggja til aukna fjármuni til viðhalds og bundins slitlags á héraðs- og tengivegum.

Umræður um reiðvegi í Skagafirði, reiðvegur meðfram Skagafjarðarvegi verður kláraður.

Sviðsstjóra falið að svara bréfi frá Vegagerðinni um niðurfellingu vega af vegaskrá varðandi Hofsós. Umhverfis-og samgöngunefnd mótmælir tillögu um breytingar. Nefndin leggur áherslu á að skipulagsyfirvöldum sveitarfélagsins sé tilkynnt um breytingar á vegaskrá.