Umhverfis- og samgöngunefnd Svf Skagafjarðar

Tekinn var fyrir tölvupóstur frá Skeljungi hf þar sem kemur fram að fyrirtækið hafi hug á að setja upp sjálfsafgreiðsludælu fyrir smærri báta á Sauðárkrókshöfn. Spurt er um staðsetningu á slíkri dælu og minnst á vestur enda suðurbryggju sem mögulega staðsetningu.
Sviðtjóra falið að koma með tillögu að staðsetningu í samráði við hafnarstarfsmenn og Skeljung hf.

Lögð var fram til kynningar 375. fundargerð Hafnasambands Íslands.
Nefndin tekur undir bókun Hafnasambandsins þar sem það skorar á innanríkisráðherra og umhverfis- og samgöngunefnd Alþingis um að auka framlög til framkvæmda í höfnum.

Lagt var fyrir fundinn erindi frá Ingibjörgu Sigurðardóttur vegna Sorphirðumála í Hjaltadal. Í erindinu er óskað eftir því að Sveitarfélagið komi fyrir gámum undir stærra rusl, svo sem timur og járn, svo bændur og aðrir íbúa geti losað sig við sorp sem ekki flokkast undir hefðbundið heimilissorp. Tekið er fram í bréfinu að vegna risjótts veðurfar undanfarna vetur hafi mikið fallið til af ónýtu girðingarefni og öðru rusli sem óæskilegt sé að safnist saman heim á bæjum.
Umhverfis- og samgöngunefnd þakkar fyrir erindið og leggur til að komið verði til móts við óskina með því að leggja til gáma tímabundið í tvo mánuði síðsumars. Nefndin hvetur íbúa til að nýta sér þessa auknu þjónustu. Auglýst verður í Sjónhorninu áður en gámum verður komið fyrir. Sviðstjóra falið að hafa samband við OK Gámaþjónustu vegna þessa.

Lagt var fyrir fundinn bréf frá Ragnheiði Baldursdóttur, Víðihlíð 17 á Sauðárkróki. Efni bréfsins var almenn umgengni nokkura staða í Sveitarfélaginu.
Nefndin þakkar ábendingar bréfritara og hefur hún brugðist við innan þeirrar heimilda sem nefndinni eru sett. Nefndin hvetur íbúa Sveitarfélagsins til að huga betur að ásýnd síns nánasta umhverfis.

Rætt var almennt um það með hvaða hætti skerpa mætti á reglum varðandi flokkun sorps og hvernig hvetja megi íbúa til að gera enn betur varðandi flokkun og frágang á sorpi.
Nefndin leggur til að lagðir verði fjármunir á fjárhagsáætlun næsta árs í aukna kynningu og útbreiðslu á flokkun og frágangi á sorpi.

Lagt var fyrir nefndina bréf frá Skátafélaginu Eilífsbúum varðandi yfirferðarrétt við eignina Borgartún 2.
Í bréfinu er bent á að vegna aðstæðna á lóðinni geti skapast hætta vegna bílaumferðar annars vegar og gangandi vegfarenda hinsvegar innan lóðarinnar. Bent er á mögulega lausn með því að útbúa nýja innkeyrslu á lóðina.
Nefndin vísar erindinu til skipulags- og bygginganefndar.

Farið var yfir stöðu verklegra framkvæmda almennt sem viðkoma umhverfis- og samgöngunefnd.