Umhverfis- og samgöngunefnd Svf Skagafjarðar

Farið yfir fyrirliggjandi skipulagstillögur af Sauðárkrókshöfn. Samþykkt að vinna nýtt deiliskipulag af höfninni og sviðstjóra veitu- og framkvæmdasviðs og skipulags-og byggingarfulltrúa falið að hefja þá vinnu.

Tekið var fyrir erindi frá N1 vegna bátaafgreiðslu á Norðurgarði á Hofsósi. Í erindinu segir að "ósk um færslu bátaafgreiðslu hefur borist frá viðskiptavinum þar sem núverandi aðstaða er legustæði fyrir báta og því erfitt í sumum tilfellum að ná í olíu."
Nefndin tekur jákvætt í erindið og felur sviðstjóra og yfirhafnaverði að vinna að málinu í samráði við N1.

Lagt fram bréf frá Björgvin Guðmundssyni dagsett 20. maí 2015 þar sem leggur til að landbúnaðarnefnd beiti sér fyrir því að mokað verði ofan í skurði í svonefndum flóa norðan við Hofsós til að endurheimta votlendi og byggja upp fuglalíf.
Landbúnaðarnefnd vísaði erindinu til umhverfis- og samgöngunefndar á fundi sínum þann 20.11.2015.
Nefndin þakkar erindið og felur sviðstjóra að kanna eignarhald á landinu áður en erindið er afgreitt.

Lagt fram bréf frá Dögun ehf. þar sem fyrirtækið sækir formlega um lóð austan athafnasvæðis félagsins.
Nefndin tekur jákvætt í umsóknina og felur sviðstjóra í samráði við skipulags- og byggingafulltrúa að ganga til viðræðna við Dögun ehf. um lóðina.

Tilboð í skjólgarð við smábátahöfn á Sauðárkróki voru opnuð 12. janúar 2016. kl 14:15 á sameiginlegum símafundi í Ráðhúsinu á Sauðárkróki og Siglingasviði Vegagerðarinnar í Reykjavík.
Alls bárust þrjú tilboð í verkið og voru þau svohljóðandi;

Steypustöð Skagafjarðar ehf.
43.967.600.-
Vélaþjónustan Messuholti ehf. 24.980.680.-
Norðurtak ehf. 27.806.000.-
Kostnaðaráætlun 32.708.300.-

Samið hefur verið við lægstbjóðenda, Vélaþjónustuna Messuholti ehf. vegna verksins.