Umhverfis- og samgöngunefnd Svf Skagafjarðar

Rætt var um framkvæmd umhverfisdaga 2017.

Formanni og sviðstjóra falið að ræða við markaðs- og kynningarsvið sveitarfélagsins til að koma með tillögur um framkvæmd og kynningu á átakinu.

Lagður var fram til kynnningar tölvupóstur frá Landsneti þar sem kynnt er matslýsing kerfisáætlunar 2017 til 2026.

Matslýsingin er aðgengileg á heimasíðu Landsnets og er frestur til að gera athugasemdir eða koma með ábendingar við matslýsinguna til og með 30. maí 2017.

Lagt fram til kynningar þingskjal 635 vegna 346. máls á 146. löggjafarþingi 2016-2017, svar samgöngu- og sveitarstjórnarráðherra við fyrirspurn frá Bjarna Jónssyni um þrjá

tengivegi; Hegranesveg nr. 764, Reykjastrandarveg 748 og Vatnsnesveg nr. 711.

Umhverfis- og samgöngunefnd tekur undir bókun byggðarráðs Sveitarfélagsins Skagafjarðar og skorar á samgönguráðherra og Alþingi að tryggja nauðsynlega fjármuni til vegabóta og uppbyggingar á Hegranesvegi og Reykjastrandarvegi og leggur áherslu á að ekki verði frekari bið og nauðsynlegum vegabótum verði sinnt og vegirnir byggðir upp eins og þarf og lagt á þá bundið slitlag. Viðhaldi veganna hefur verið stórlega

ábótavant undanfarin ár þrátt fyrir stóraukna umferð og ástand þeirra afar slæmt og vegirnir beinlínis hættulegir.

Lögð var fram til kynningar 394. fundargerð Hafnasambands Íslands.

Umhverfis- og samgöngunefnd tekur undir ósk hafnasambandsins að gerður verði samningur við hafnirnar um greiðslu fyrir þá þjónustu sem þær veita ríkinu með vigtun og skráningu sjávarafla í þágu fiskveiðistjórnunarkerfi ríkisins.

Fundargerð Heilbrigðiseftirlits Norðurlands vestra frá 20. desember 2016 lögð fram til kynningar.

Lagt fram til kynningar.