Umhverfis- og samgöngunefnd Svf Skagafjarðar

Í samræmi við bókun Umhverfis- og samgöngunefndar 18.maí sl var samið við Golfklúbb Sauðárkróks um slátt á opnum svæðum á Sauðárkróki samtals um 7,7 hektara svæði. Þá var jafnframt bókað að gera þyrfti ráð fyrir kostnaði við slátt opinna svæða vegna aukinnar sláttutíðni. Nauðsynlegt fjármagn í þennan verklið er kr.5.800.000.- Farið var yfir hvernig til hafi tekist með þennan verklið og samstarf við Golfklúbbinn. Ánægja er með samstarf við Golfklúbbinn. Skoða þarf hvernig þessu fyrirkomulagi verður háttað á næsta ári.

Jón Örn gerði grein fyrir framkvæmdum við Borgarland, verk sem boðið var út í vor og átti að vera lokið í lok ágúst, verktíminn hefur verið framlengdur.

Jón Örn fór yfir nýframkvæmdir ársins. Varðandi umhverfi Sauðár er samþykkt að vinna hönnun svæðisins með tilliti til lífríkisins.

Jón Örn gerði grein fyrir söfnun á dýrahræjum úr dreifbýlinu. Ekki er heimilt að dýrahræ fari í söfnunargáma og því þarf að urða þau sérstaklega þar sem ekki er tekið á móti þessum úrgangi á nýjum urðunarstað við Stekkjarvík. Á fundi Landbúnaðarnefndar 13. apríl sl. var samþykkt að fara í skipulega söfnun sem kynnt var bændum sérstaklega í Fréttabréfi Leiðbeiningarmiðstöðvarinnar. Á fundi Landbúnaðarnefndar 11. október lýsti Landbúnaðarnefnd yfir áhyggjum af auknum kostnaði við sorphirðu og óskaði eftir fundi með umhverfis- og samgöngunefnd um þessi mál. Samþykkt að halda sameiginlegan fund með landbúnaðarnefnd um þessi mál.

Jón Örn gerði grein fyrir fyrirkomulagi á snjómokstri.

Lögð fram til kynningar dagskrá ráðstefnunnar Heimsins græna gull sem haldin verður í Kaldalóni í Hörpu laugardaginn 22. október nk.

Umhverfisstofnun boðar til 14. lögbundins fundar Umhverfisstofnunar og náttúruverndarnefnda sveitarfélaga. Að þessu sinni verður fundurinn haldinn í Mosfellsbæ þann 27. október n.k. Lagt fram til kynningar. Samþykkt að þeir nefndarmenn sem kost eiga á sæki fundinn.

Þann 6. október sl voru opnuð tilboð í verkið ?Lenging sandfangara Sauðárkróki og sjóvörn Hrauni?. Kostnaðaráætlun Siglingastofnunar í verkið var kr. 24.727.500.- Röð bjóðenda og tilboðsupphæðir eru eftirfarandi. Norðurtak ehf og Króksverk ehf. heildartilboðsupphæð kr. 18.794.500.- (76%), Víðimelsbræður ehf. heildartilboðsupphæð kr. 22.719.500.- (92%), Glaumur ehf. heildartilboðsupphæð kr. 27.372.000.- (111 %), Steypustöð Skagafjarðar ehf. heildartilboðsupphæð kr. 31.932.000.- ( 129 %), Gengið var til samninga við Norðurtak ehf um verkið.