Veitunefnd Svf Skagafjarðar

Ingimar Jóhannsson kom á fund nefndarinnar fyrir hönd sóknarnefndar Sauðárkrókskirkju.

Til umræðu var samningur vegna stækkun Sauðárkrókskirkju frá 1990.

Ákveðið að setja mæli á innspýtingu fyrir snjóbræðslu og að Skagafjarðarveitur greiði fyrir upphitun heimkeyrsluréttar samkvæmt samningi frá 1990.

Prufudæling á borholum í Hrolleifsdal, SK-28 og SK-32, stendur nú yfir.

Byrjað var að prufudæla SK-28 19. apríl sl. og síðar var farið að dæla úr báðum holum samtímis.

Ákveðið að boða sérfræðinga frá ÍSOR á fund veitunefndar að loknum dæluprófunum.

Fyrsti verkfundur vegna hitaveitu og strenglagnar í Lýtingsstaðahreppi er á morgun. Verktakar munu hefja framkvæmdir á næstu dögum.

Lagning ljósleiðara frá Marbæli að Sauðárkróki er í útboðsferli og verða tilboð í verkið opnuð 15. maí nk.

Stefnt er á að bjóða út lagningu um Hegranes að hluta ásamt Höfðaströnd og Sléttuhlíð á næstu dögum.

Lagt var fyrir fundinn erindi frá Vodafone þar sem fyrirtækið lýsir yfir áhuga á að taka þátt í uppbyggingu fjarskiptainnviða í tengslum við styrkveitingu til sveitarfélagsins vegna Ísland ljóstengt.

Sviðstjóra falið að boða fulltrúa Vodafone á fund veitunefndar.