Veitunefnd Svf Skagafjarðar

Erindi vegna tjóns á Skagfirðingabraut 1 lagt fram til kynningar.

Lögð var fram til kynningar endanleg skýrsla frá Ísor varðandi borholur í Hrolleifsdal, "Jarðhitakerfið í Hrolleifsdal - Afkastageta samkvæmt vinnslueftirliti, dæluprófunum og líkanareikningum".
Niðurstaða skýrslunnar er sú að ekki er ráðlegt að auka vinnslu í Hrolleifsdal í stórum skrefum þar sem óljóst er hvort virkjanasvæðið í Hrolleifsdal standi undir aukningu umfram 4 lítrum á sekúndu frá því sem nú er. Ljóst er að niðurstaða skýrslunnar mun tefja uppbyggingu á hitaveitu í Óslandshlíð, Hjaltadal og Viðvíkursveit en vinna er þegar hafin við að skoða aðra kosti en Hrolleifsdal til að anna heitavatnsþörf svæðisins. Skagafjarðarveitur munu boða til íbúafundar fyrir íbúa svæðisins og verður tímasetning fundarins auglýst síðar.

Lögð voru fram til kynningar svör við fyrirspurnum um mögulegra hitaveituframkvæmdir í Efribyggð, á norðanverðu Hegranesi og á Reykjaströnd.
Í kjölfar funda með íbúum sem haldin var í apríl var farið í skriflega áhugakönnun vegna mögulegrar hitaveituvæðingar.
Svörun var mjög góð, alls bárust 26 svör og voru þau öll jákvæð að einu undanskildu.

Lagðir voru fram til kynningar útreikningar á vatnsgjaldi fyrir íbúðar- og sumarhús ofan við Steinsstaði.
Sviðstjóra og formanni falið að vinna áfram að málinu.

Lagður var fram til kynningar tölvupóstur frá fjarskiptasjóði þar sem kemur fram að undirbúningur vegna umsóknarferils fyrir Ísland Ljóstengt fyrir árið 2018 er hafin.
Gert er ráð fyrir styrkúthlutanir úr samkeppnispotti liggi fyrir í lok október eða byrjun nóvember.

Lagt var fram til kynningar erindi frá forsætisráðuneytinu um beiðni um upplýsingar um nýtingu lands og landsréttinda innan þjóðlendu.
Sviðstjóra er falið að svara erindinu hvað varðar nýtingu vatns- og jarðhitaréttinda.