Veitunefnd Svf Skagafjarðar

Ísor hefur skilað skýrslu vegna rannsóknarborana í Varmahlíð í haust. Í skýrslunni er lagt til að farið verði í frekari úrvinnsla gagna til að staðsetja nýja vinnsluholu.

Sviðsstjóri og starfsmenn Ísor kynna niðurstöður skýrslunnar og mögulegar staðsetningar á nýrri vinnsluborholu fyrir nefndarmönnum. Frekari úrvinnsla úr upplýsingum er þörf til að ákvarða endanlega staðsetningu holu og er sviðstjóra falið að fylgja málinu eftir með starfsmönnum Ísor.

Borist hefur erindi frá Dagnýju Stefánsdóttur og Róberti Loga Jóhannssyni þar sem þess er farið á leit að Sveitarfélagið Skagafjörður taki yfir umsjón með jarðhitaréttindum á Steinsstöðun.

Nefndin þakkar fyrir erindið. Farið var yfir málið og það rætt. Ljóst er að málsaðilar þurfa að koma sér saman um hvernig staðið skuli að nýtingu og mælingum á sameiginlegu jarðhitasvæði. Sviðsstjóra er falið að afla frekari gagna um málið til úrvinnslu.

Vinna við framkvæmdir við nýja hitaveitu og lagningu ljósleiðara hefur staðið yfir síðan í júní. Verktakinn, Vinnuvélar Símonar, hefur lokið framkvæmd verksins og skilaði verkinu innan tilsetts tímaramma.

Nefndin fagnar því að verkinu hafi lokið innan tilsetts tíma og leggur til að lokaúttekt fari fram sem fyrst.

Framkvæmdir við lagningu hitaveitustofns með Strandvegi eru hafnar og eru langt á veg komnar. Verktakinn er Steypustöð Skagafjarðar.

Sviðsstjóri og Gunnar Björn upplýsir nefndina um stöðu verksins sem er að ljúka.