Veitunefnd Svf Skagafjarðar

Farið var yfir drög að fjárhagsáætlun hitaveitu fyrir árið 2021.
Veitunefnd samþykkir áætlunina og vísar til byggðaráðs. Nefndin leggur til í ljósi rekstrarhalla að núverandi afslættir til stórnotenda verði endurskoðaðir.

Lögð var fram tillaga um 2,5% hækkun á gjaldskrá hitaveitu fyrir árið 2021.
Veitunefnd samþykkir tillöguna og vísar til byggðarráðs. Lagt er til að gjaldskrá hitaveitunnar verði endurskoðuð á miðju ári 2021.

Farið var yfir drög að fjárhagsáætlun vatnsveitu fyrir árið 2021.
Veitunefnd samþykkir áætlunina og vísar til byggðaráðs.

Farið yfir forsendur gjaldskrár vatnsveitu 2021.
Vatnsgjald er reiknað af öllum fasteignum, sem eru gjaldskyldar, skal greiða vatnsgjald sem nemur 0,16% af álagningarstofni. Lágmarksgjald skal vera pr. rúmmetra kr. 44,94 og hámarksgjald pr. rúmmetra kr. 53,67.
Veitunefnd samþykkir að vatnsgjald verði óbreytt og vísar til byggðaráðs.

Farið var yfir drög að fjárhagsáætlun sjóveitu fyrir árið 2021.
Veitunefnd samþykkir áætlunina og vísar til byggðaráðs.

Lögð var fram tillaga um 2,5% hækkun á gjaldskrá sjóveitu fyrir árið 2021.
Veitunefnd samþykkir tillöguna og vísar til byggðarráðs.

Lögð fram áætlun um kostnað við borun vinnsluholu við Reykjarhól.
Sviðsstjóri kynnti frumkostnaðaráætlun á borun 1000 m djúprar vinnsluholu og veitukerfi Varmahlíðarveitu.