Afgreiðslufundur byggingarfulltrúa

Berglind Þorsteinsdóttir sækir f.h. Byggðasafns Skagfirðinga um leyfi til að breyta notkun íbúðarhúss/bílskúr sem stendur á lóðinni Glaumbær lóð , L197485 í skrifstofur fyrir safnið. Fyrir liggur samþykki Þjóðkirkjunnar, eiganda hússins. Framlagðir aðaluppdrættir gerðir á Stoð ehf. verkfræðistofu af Atla Gunnari Arnórssyni byggingarverkfræðingi. Uppdrættir í verki 46280101, númer A-101, A-102 og A-103, dagsettir 15. ágúst 2022. Erindið samþykkt, byggingarleyfi veitt.

Einar Páll Kjærnested sækir f.h. HVEST eignarhaldsfélags ehf. um leyfi til að rífa mannvirki á jörðinni Syðra-Malland L145909. Umrætt hús er íbúðarhús, matshluti 04 á jörðinni, byggt árið 1926, byggt við húsið árið 1976. Sótt er um leyfi til að rífa þann hluta húss sem byggður er árið 1926. Erindið samþykkt, leyfi veitt.

Þórður Karl Gunnarsson sækir f.h. Skagafjarveitna um leyfi fyrir dæluhúsi á lóðinni Marbæli Dælustöð, L234958. Húsið sem um ræðir verður byggt á kennslusvæði, Fjölbrautaskóla Norðurlands vestra, við Skagfirðingabraut 26 á Sauðárkróki og flutt þaðan á lóðina. Framlagðir uppdrættir gerðir á Stoð ehf. verkfræðistofu af Þórði Karli Gunnarssyni byggingartæknifræðingi. Uppdrætti í verki 1017101, númer A-100 og B-101, dagsettir 29. og 30. september 2022. Erindið samþykkt, byggingarleyfi veitt.

Ellert Már Jónsson sækir f.h. Loga Más Birgissonar og Birgis Árdals Haukssonar um leyfi fyrir viðbyggingu/skála við íbúðarhúsið á Fjalli, L146025. Framlagðir aðaluppdrættir gerðir af Ellert Má Jónssyni byggingarverkfræðingi. Uppdrættir í verki 25-2022, númer 01, 02 og 03, dagsettir 24. nóvember 2022. Byggingaráform samþykkt.