Atvinnu-, menningar- og kynningarnefnd Svf Skagafjarðar

Tekið fyrir erindi frá flugklasanum AIR 66N þar sem óskað er eftir að Sveitarfélagið Skagafjörður sendi fulltrúa á fund klasans þar sem erlendir ráðgjafar munu segja frá ferlinu við að ná flugi inn á nýja áfangastaði. Samþykkt að Gunnsteinn Björnsson og Viggó Jónsson mæti til fundarins sem fulltrúar sveitarfélagsins.

Kynnt umsókn Sveitarfélagsins í Framkvæmdasjóð ferðamannastaða þar sem áformuð er frekari uppbygging á svæðinu við Arnarstapa í Skagafirði.

Sveitarfélagið Skagafjörður auglýsti haustið 2016 eftir rekstraraðilum fyrir tjaldsvæðin á Sauðárkróki, Hofsósi og Varmahlíð. Ein umsókn barst til atvinnu-, menningar- og kynningarnefndar fyrir lok umsóknarfrests. Samþykkt að ganga til viðræðna við umsækjendur, Halldór Brynjar Gunnlaugsson og Hildi Þóru Magnúsdóttur, um rekstur tjaldsvæðanna.

Atvinnu-, menningar- og kynningarnefnd mótmælir harðlega niðurstöðum úthlutunar byggðakvóta fyrir fiskveiðiárið 2016-2017. Niðurstaða atvinnuvega- og nýsköpunaráðuneytis hvað Skagafjörð varðar er að úthluta aðeins 19 þorskígildistonnum til Hofsóss en engum byggðakvóta til Sauðárkróks. Nefndinni hefur borist rökstuðningur ráðuneytisins fyrir úthlutuninni.Niðurstaða þessi er með öllu óásættanleg og ljóst að reglur um úthlutun byggðakvóta mæta engan veginn tilgangi þess að úthluta byggðakvóta til byggðarlaga sem standa höllum fæti, s.s. eins og til Hofsóss. Þá er með engu móti hægt að sjá hvernig aukin veiði á rækju hefur með veiðar smábáta frá Sauðárkróki að gera.Atvinnu-, menningar- og kynningarnefnd skorar á sjávarútvegs- og landbúnaðarráðherra að breyta nú þegar reglum um úthlutun byggðakvóta og úthluta kvótanum að því loknu á grundvelli nýrra reglna um byggðakvóta sem raunverulega ná því markmiði að styðja við veikari byggðir landsins.

Tekin fyrir styrkbeiðni frá Guðjóni Inga Eiríkssyni hjá Bókaútgáfunni Hólum vegna útgáfu 5. bindis Skagfirskra skemmtisagna í samantekt Björns Jóhanns Björnssonar.Atvinnu-, menningar- og kynningarnefnd þakkar fyrir erindið en getur ekki orðið við beiðninni. Nefndin vekur athygli sendanda á að nú er opið fyrir umsóknir í Uppbyggingarsjóð Norðurlands vestra og hvetur hann til að sækja um þar.

Atvinnu-, menningar- og kynningarnefnd samþykkir að gjaldskrá Héraðsskjalasafns Skagfirðinga verði óbreytt á árinu 2017 frá því sem nú er.

Atvinnu-, menningar- og kynningarnefnd samþykkir að gjaldskrá Listasafns Skagfirðinga verði óbreytt á árinu 2017 frá því sem nú er.

Atvinnu-, menningar- og kynningarnefnd samþykkir að almennt lánþegagjald á Héraðsbókasafni Skagfirðinga verði hækkað í kr. 2500,- og að árgjald stofnana og skóla verðið hækkað í kr. 5000,- frá og með 1. janúar 2017. Aðrir liðir í gildandi gjaldskrá taki ekki breytingum.

Atvinnu-, menningar- og kynningarnefnd samþykkir að aðgangur að Byggðasafni Skagfirðinga í Glaumbæ verði á árinu 2017 kr. 1600 fyrir einstaklinga, kr. 1200 fyrir hópa og námsmenn og gjaldfrjáls fyrir 17 ára og yngri. Nefndin samþykkir jafnframt að á árinu 2018 verði aðgangur að Byggðasafni Skagfirðinga í Glaumbæ kr. 1700 fyrir einstaklinga, kr. 1300 fyrir hópa og námsmenn og gjaldfrjáls fyrir 17 ára og yngri.

Lögð fram drög að fjárhagsáætlun málaflokks 13 vegna atvinnu- og ferðamála vegna ársins 2017.Atvinnu-, menningar- og kynningarnefnd samþykkir áætlunina og vísar henni til byggðarráðs.

Lögð fram drög að fjárhagsáætlun málaflokks 05 vegna menningarmála vegna ársins 2017.Atvinnu-, menningar- og kynningarnefnd samþykkir áætlunina og vísar henni til byggðarráðs.