Atvinnu- og ferðamálanefnd

Rætt um atvinnulífssýningu, áður á dagskrá nefndarinnar 22. september sl.

Nefndin ákveður að haldin verði atvinnulífssýning á Sauðárkróki dagana 28. og 29. apríl nk. Sýningin verði sett upp með svipuðu sniði og gert var á sambærilegri sýningu árið 2010.

Starfsmönnum Markaðs- og þróunarsviðs falið að hefja undirbúning sýningarinnar.

Lagt fram erindi frá Markaðsskrifstofu ferðamála á Norðurlandi varðandi ósk um stuðning við verkefnið Flugklasinn Air 66N. Verkefnið snýst um öfluga og samræmda markaðssetningu Norðurlands erlendis, með áherslu á að koma á beinu millilandaflugi um Akureyrarflugvöll.
Málinu var vísað til nefndarinnar frá Byggðarráði til umsagnar.

Nefndin samþykkir að mæla með því við Byggðarráð að leggja verkefninu til kr. 500.000 í styrk en beina því jafnframt til klasans að horft verði til Alexandersflugvallar við Sauðárkrók sem varaflugvallar fyrir millilandaflug til Norðurlands.

Lagt fram til kynningar bréf frá sjávarútvegs- og landbúnaðarráðuneytinu varðandi umsókn sveitarfélagsins um byggðakvóta fiskveiðíársins 2011/2012. Úthlutun ráðuneytisins er eftirfarandi: Hofsós, 71 þorskígildistonn, Sauðárkrókur, 66 þorskígildistonn.
Málinu er vísað til nefndarinnar til meðferðar og umsagnar atvinnu- og ferðamálanefndar frá Byggðarráði.

Nefndin felur starfsmönnum Markaðs- og þróunarsviðs að vinna tillögu til nefndarinnar um afgreiðslu málsins, málið verður tekið til afgreiðslu hjá nefndinni á næsta fundi hennar á þriðjudag, 17. jan.

Rætt um vetrarferðamennsku, framhald frá síðasta fundi. Stefnt að kynningarfundi um vetraríþróttir og ferðaþjónustu á Sauðárkróki í næstu viku, starfsmönnum Markaðs- og þróunarsviðs falið að skipuleggja fundinn og boða hann.