Atvinnulífsýning í Skagafirði 2012

Rætt um Atvinnulífsýningu sem haldin var í íþróttahúsinu á Sauðárkróki vorið 2009.

Nefndin ákveður að stefna að Atvinnulífssýningu vorið 2012, tekið verður sérstakt tillit til þess við gerð næstu fjárhagsáætlunar. Nefndin felur starfsmönnum Markaðs- og þróunarsviðs að vinna áfram að málinu.

Afgreiðsla 75. fundar atvinnu- og ferðamálanefndar staðfest á 283. fundi sveitarstjórnar með átta atkvæðum.

Rætt um atvinnulífssýningu, áður á dagskrá nefndarinnar 22. september sl.

Nefndin ákveður að haldin verði atvinnulífssýning á Sauðárkróki dagana 28. og 29. apríl nk. Sýningin verði sett upp með svipuðu sniði og gert var á sambærilegri sýningu árið 2010.

Starfsmönnum Markaðs- og þróunarsviðs falið að hefja undirbúning sýningarinnar.

Sviðsstjóri kynnti næstu skref varðandi skipulag atvinnulífssýningar, Skagafjörður, lífsins gæði og gleði 2012, sem haldin verður í íþróttahúsinu á Sauðárkróki 28. - 29. apríl nk. Einnig voru rædd drög að kostnaðaráætlun fyrir sýninguna. Haldinn verður kynningarfundur um skipulag sýningarinnar n.k. mánudag.

Rætt um fyrirhugaða Atvinnulífssýningu sem mun fara fram í lok apríl á Sauðárkróki.

Nefndin lýsir ánægju sinni með sýninguna sem mun væntanlega endurspegla þá fjölbreytni í atvinnulífi og menningu sem Skagafjörður býr yfir.

Áskell Heiðar sviðsstjóri kynnti skipulag sýningarinnar Skagafjörður - lífsins gæði og gleði, sem fram fer í íþróttahúsinu á Sauðárkróki um komandi helgi. Þar munu um sjötíu aðilar kynna sína þjónustu og vörur, en eftirspurn eftir sýningarplássi var mikil. Samhliða sýningunni fara fram málstofur um fjölbreytt málefni. Allur undirbúningur sýningarinnar hefur gengið vel og kynning hennar stendur nú sem hæst.

Viggó Jónsson lagði fram svohljóðandi tillögu að ályktun:

Sveitarstjórn Skagafjarðar vill þakka öllum sýnendum, gestum og starfsfólki fyrir þátt sinn í sýningunni Lífsins gæði og gleði. Þessi sýning gefur góða mynd af þeim góða krafti sem býr í Skagfirsku atvinnulífi.

Ályktunin samþykkt með níu atkvæðum.

Afgreiðsla 82. fundar atvinnu- og ferðamálanefndar staðfest á 289. fundi sveitarstjórnar með níu atkvæðum.