Atvinnu- og ferðamálanefnd

Lagt fram erindi frá Sveinbirni F. Péturssyni þar sem hann óskar eftir styrk til að halda úti útvarpsþætti um atvinnumál.

Nefndin sér sér ekki fært að verða við erindinu.

Lagt fram erindi frá Sjávarútvegs- og Landbúnaðarráðuneyti um byggðakvóta fyrir fiskveiðiárið 2009-2010. Úthlutað var 86 þorskígildistonnum til Hofsóss og 50 þorskígildstonnum til Sauðárkróks. Nefndin sér ekki ástæðu til að óska eftir breytingum á því fyrirkomulagi sem í gildi er í lögum og reglugerðum varðandi nýtingu byggðakvóta í Skagafirði fyrir yfirstandandi fiskveiðiár.

Rætt um næstu skref varðandi opinbert kynningarefni fyrir ferðamenn í Skagafirði. Næstu skref eru að til verði ensk útgáfa af vefsvæðinu visitskagafjordur.is. Sviðsstjóra falið að kanna kostnað við verkefnið og leggja hana fram á næsta fundi nefndarinnar.

Lögð fram drög að samningi milli sveitarfélagsins og Skagafjarðarhraðlestarinnar um samstarf í atvinnumálum.

Afgreiðslu málsins frestað.

Lagt fram erindi frá Gísla Árnasyni þar sem hann óskar eftir upplýsingum varðandi samstarf sveitarfélagsins við Skagafjarðarhraðlestina. Erindinu var vísað til nefndarinnar frá Byggðaráði.

Sviðsstjóra falið að taka saman greinargerð um málið fyrir næsta fund nefndarinnar.