Byggðarráð Svf. Skagafjarðar

Lagðar fram skriflegar spurningar frá Gísla Árnasyni og Páli Dagbjartssyni varðandi m.a. ástæður þess að ekki var fylgt samþykkt sveitarstjórnar og ráðist í lagfæringar á bílastæðum við Upplýsingamiðstöð ferðamála í Varmahlíð á árinu 2008 og hvort einhver áform væru um framkvæmdir á þessu ári. Einnig var lagt fram skriflegt svar frá Jóni Erni Berndsen sviðsstjóra umhverfis- og tæknisviðs og Guðmundi Guðlaugssyni sveitarstjóra. Jón Örn Berndsen kom inn á fundinn undir þessum dagskrárlið. Skipulagsvinna á þessu svæði er komin í gang.

Erindinu vísað til byggðarráðs frá 58. fundi umhverfis- og samgögnunefndar. Samningur milli Soroptimistaklúbbs Skagafjarðar og Sveitarfélagsins Skagafjarðar um umhverfisverkefni. Gréta Sjöfn Guðmundsdóttir vék af fundi undir afgreiðslu málsins.

Byggðaráð samþykkir samninginn fyrir sitt leyti.

Erindinu vísað til byggðarráðs frá 58. fundi umhverfis- og samgögnunefndar. Samningur milli ÓK gámaþjónustu-sorphirðu ehf. og Sveitarfélagsins Skagafjarðar um sorphreinsun á Hofsósi.

Meirihluti byggðaráðs samþykkir samninginn. Páll Dagbjartsson óskar bókað að hann sitji hjá við afgreiðslu málsins.

Erindinu vísað til byggðarráðs frá 58. fundi umhverfis- og samgögnunefndar. Samningur milli ÓK gámaþjónustu-sorphirðu ehf. og Sveitarfélagsins Skagafjarðar um sorphreinsun í Varmahlíð.

Meirihluti byggðaráðs samþykkir samninginn. Páll Dagbjartsson óskar bókað að hann sitji hjá við afgreiðslu málsins.

Erindinu vísað til byggðarráðs frá 58. fundi umhverfis- og samgögnunefndar. Samningur milli ÓK gámaþjónustu-sorphirðu ehf. og Sveitarfélagsins Skagafjarðar um sorphreinsun á Sauðárkróki.

Meirihluti byggðaráðs samþykkir samninginn. Páll Dagbjartsson óskar bókað að hann sitji hjá við afgreiðslu málsins.

Erindinu vísað til byggðarráðs frá 44. fundi menningar- og kynningarnefndar. Umsókn Hjalta Pálssonar um ígildi launaðs rannsóknarleyfis til eins árs, sem þó yrði dreift á 2-3 ár.

Byggðarráð samþykkir erindið.

Lagt fram erindi frá nefndasviði Alþingis, þar sem óskað er umsagnar um frumvarp til laga um orlof húsmæðra, 77. mál. Byggðarráð gerir ekki athugasemdir við frumvarpið.

Lagt fram erindi frá nefndasviði Alþingis, þar sem óskað er umsagnar um frumvarp til barnaverndarlaga, 557. mál.

Byggðarráð Skagafjarðar hefur fjallað um málið og leitað álits félagsmálastjóra og fræðslustjóra sveitarfélagsins.

Almennt virðast þær breytingar sem lagðar eru til í frumvarpinu til bóta og til þess fallnar að skýra réttarstöðu barna og foreldra, og þar með að gera barnaverndarstarf skilvirkara. Sveitarfélagið vill engu að síður koma einni ábendingu og tveimur athugasemdum á framfæri.

Athygli er vakin á 2. mgr. 34. gr. frumvarpsins, sbr. b. lið, og samspili hennar við 1. mgr. 39. gr. um réttarstöðu foreldris sem ekki fer með forsjá barns. Hér er um mikilvæg nýmæli að ræða varðandi réttarstöðu barns og foreldris, þegar barnaverndarnefnd ráðstafar barni tímabundið til þess foreldris sem ekki fer með forsjá. Er þá gert ráð fyrir að um það gildi sömu reglur og eiga við um tímabundið fóstur. Í 39 gr. frumvarpsins eru skýrðar betur en nú er skyldur sveitarfélagsins við fósturforeldra, þ.m.t. fósturlaun.

Almennt er þessi grein mjög til bóta, en bent er á að ekki er sjálfgefið að foreldri, sem tekur tímabundið við umsjá barns síns, þótt á ábyrgð barnaverndarnefndar sé, þiggi fyrir það fósturlaun, eins og skilja má ákvæði umræddra greina. Þetta ætti að vera unnt að meta í hverju tilviki fyrir sig út frá hagsmunum barnsins og þörfum viðkomandi kynforeldris fyrir stuðning.

Athygli er vakin á 3. mgr. 39. gr. frumvarpsins en þar er gert ráð fyrir að lögheimilissveitarfélag fósturforeldra beri allan almennan skólakostnað fósturbarna. Fram til þessa hefur lögheimilissveitarfélag barnsins greitt hvort tveggja almennan skólakostnað, þmt. skólaakstur, og gjöld fyrir sérfræðiþjónustu. Sú breyting er lögð til að móttökusveitarfélag greiði allan almennan skólakostnað og akstur vegna fósturbarna, en að sérfræðiþjónustan verði áfram greidd af lögheimilissveitarfélagi.

Hér er í langflestum tilviku um að ræða tilfærslu á skólakostnaði frá fjölmennustu sveitarfélögunum, þaðan sem flest fósturbörn koma, til hinna fámennari dreifbýlissveitarfélaga með fámenna skóla og þar af leiðandi háan skólakostnað.

Hér getur verið um verulega íþyngjandi gjöld að ræða fyrir fámenna skóla sem móttökusveitarfélagið hefur enga möguleika að hafa áhrif á. Breytingin virðist því fela í sér augljóst ranglæti og því er mótmælt að breytingin sé nauðsynleg til að tryggja hagsmuni fósturbarns. Þeir yrðu eins vel eða betur tryggðir með því að lögin kvæðu skýrt á um skyldur þess sveitarfélags sem ber ábyrgð á fósturráðstöfuninni. Þessari breytingu er því harðlega mótmælt.

Lagt fram fundarboð Skagafjarðarveitna ehf. vegna aðalfundar fyrir árið 2009, þann 23. júní 2010. Byggðarráð samþykkir að þeir sveitarstjórnarfulltrúar eða varamenn þeirra, sem sjá sér fært að mæta, fari með atkvæðisrétt sveitarfélagsins hlutfallslega.

Lagðar fram til kynningar upplýsingar um rekstur sveitarfélagsins og stofnana þess fyrir tímabilið janúar-apríl 2010.

Rekstarniðurstaða tímabilsins er betri en fjáhagsáætlun gerir ráð fyrir.
Byggðarráð mælist til að í þeim tilvikum þar sem einstakar rekstrareiningar eru að fara framúr fjárheimildum að tekið sé á þeim vanda í tíma. Óskað er eftir skýringum frá viðkomandi sviðsstjórum þar sem um slíkt er að ræða í deildayfirlitinu.

Lagður fram til kynningar ársreikningur Norðurár bs. fyrir árið 2009.

Lögð fram til kynningar tilkynning frá Jöfnunarsjóði sveitarfélaga um endanlega úthlutun framlags vegna sérþarfa fatlaðra nemenda í grunnskólum fjárhagsárið 2010.

Lagðar fram til kynningar upplýsingar frá sýslumanninum á Sauðárkróki um aðilaskipti á jörðinni Hvammi, landnúmer 145895. Seljandi er Ríkissjóður Íslands og kaupandi Guðmundur Vilhelmsson.