Byggðarráð Svf. Skagafjarðar

Sigríður A. Jóhannsdóttir, mannauðsstjóri sveitarfélagsins kom inn á fundinn undir þessum dagskrárlið. Sigríður kynnti hvernig staðið var að auglýsingu starfs sviðsstjóra framkvæmda- og veitusviðs, mat umsókna og viðtöl við þá umsækjendur sem komust svo langt í ráðningarferlinu.
Byggðarráð leggur til við sveitarstjórn að Indriði Þór Einarsson verði ráðinn sviðsstjóri framkvæmda- og veitusviðs sveitarfélagsins.

Málið áður á 605. fundi byggðarráðs. Lagt fram nýtt tilboð frá Jóhannesi Bjarka Jóhannessyni í íbúð sveitarfélagsins í Víðigrund 24 (2hv), 213-2409.
Byggðarráð samþykkir að ganga að tilboði Jóhannesar Bjarka.

Lagður fram tölvupóstur um aðalfund Versins vísindagarða ehf., miðvikudaginn 31. október 2012.
Byggðarráð samþykkir að Bjarni Jónsson verði fulltrúi sveitarfélagsins á aðalfundinum og fari með atkvæðisrétt.

Lagt fram bréf frá Sjónarhóli - ráðgjafarmiðstöð fyrir fjölskyldur barna með sérþarfir, þar sem óskað er eftir rekstrarstyrk til starfseminnar.
Byggðarráð samþykkir að vísa erindinu til afgreiðslu félags- og tómstundanefndar.

Lögð fram til kynningar fundargerð stjórnar SSNV frá 2. október 2012

Lagðar fram til kynningar ályktanir af fulltrúafundi Landssamtakanna Þroskahjálpar sem haldinn var í Stykkishólmi dagana 12.-14. október 2012.

Lagður fram til kynningar tölvupóstur um kynningarfundi Skipulagsstofnunar varðandi tillögu að landsskipulagsstefnu 2013-2024. Fundirnir eru haldnir í samvinnu við landshlutasamtök sveitarfélaganna. Fundir verða m.a. haldnir á Blönduósi 24. október og Akureyri 26. október nk.

Lagður fram til kynningar tölvupóstur frá Sambandi íslenskra sveitarfélaga, þar sem kynnt er námskeið um byggðastefnu ESB undir yfirskriftinni: Þátttaka sveitarfélaga í byggðastefnu Evrópusambandsins (e. Participation of Municipalities in EU Regional Policy). Námskeiðið verður haldið í Brussel og er allur þátttökukostnaður þ.m.t. ferða- og uppihaldskostnaður greiddur af Evrópusambandinu.