Byggðarráð Svf. Skagafjarðar

Þann 19. september 2014 voru opnuð tilboð í verkið "Safnahús - Lyftuhús og endurbætur 2014". Kostnaðaráætlun var upp á 76.845.855 kr. (100,0%). Tilboð bárust frá K-Tak ehf. að upphæð 78.874.901 kr. (102,6%) og Trésmiðjunni Ýr ehf. að upphæð 79.661.043 kr. (103,7%). Veitu- og framkvæmdasvið leggur til að gengið verði til samninga við K-Tak ehf. ásamt því að panta lyftu í húsið.
Byggðarráð samþykkir að fela sviðsstjóra veitu- og framkvæmdasviðs að ganga til samninga við K-Tak ehf. á grundvelli tilboðs fyrirtækisins og einnig að panta lyftu í Safnahúsið í samræmi við fyrirliggjandi tilboð söluaðila.
Ekki er gert ráð fyrir allri framkvæmdinni á fjárhagsáætlun 2014, en það sem út af stendur verður sett á framkvæmdaáætlun ársins 2015. Ekki er þörf á að breyta þriggja ára áætlun 2015-2017 vegna þessa.

Lögð fram til kynningar dagskrá fjármálaráðstefnu Sambands íslenskra sveitarfélaga sem fer fram dagana 9.-10. október 2014 í Reykjavík.
Byggðarráð samþykkir að sveitarstjórn ásamt sveitarstjóra og sviðsstjóra stjórnsýslu- og fjármálasviðs sæki ráðstefnuna.

Lagt fram boð um aðalfund Samtaka sjávarútvegssveitarfélaga, þann 8. október 2014 á Hilton Reykjavík Nordica hóteli í Reykjavík.
Byggðarráð samþykkir að Stefán Vagn Stefánsson fari með atkvæðisrétt sveitarfélagsins á fundinum.

Lagt fram boð um aðalfund Samtaka sveitarfélaga á köldum svæðum, þann 10. október 2014, á Hilton Reykjavík Nordica hóteli í Reykjavík.
Byggðarráð samþykkir að Stefán Vagn Stefánsson fari með atkvæðisrétt sveitarfélagsins á fundinum.

Lagt fram fundarboð dagsett 18. september 2014 frá Jöfnunarsjóði sveitarfélaga varðandi ársfund sjóðsins 2014. Fundurinn verður haldinn miðvikudaginn 8. október 2014 á á Hilton Reykjavík Nordica hóteli í Reykjavík.
Byggðarráð samþykkir að Ásta Pálmadóttir, sveitarstjóri, sitji fundinn fyrir hönd sveitarfélagsins.

Lagður fram til kynningar tölvupóstur dagsettur 24. september 2014 þar sem vakin er athygli á kynningarfundi um evrópskar rannsóknir á þróun byggðar (ESPON rannsóknasamvinnan og framtíð hennar). Fundurinn er haldinn í tilefni af því að ESPON-áætlunin 2007-2013, sem Íslendingar hafa tekið þátt í, var að renna sitt skeið og verður á Hilton Reykjavík Nordica hóteli í Reykjavík þann 10. október 2014.

Tekið til fyrri umræðu í sveitarstjórn 3. september 2014 og síðan vísað til byggðarráðs.
Byggðarráð samþykkir að hafa siðareglurnar óbreyttar og vísar þeim til síðari umræðu í sveitarstjórn.

Fundur sveitarstjórna á Norðurlandi vestra með þingmönnum Norðvesturkjördæmis verður 2. október 2014, kl. 13:30, að Staðarflöt í Hrútafirði. Farið yfir þau málefni sveitarfélagsins sem ætlunin er að ræða á fundinum. Undir þessum dagskrárlið sátu starfsmenn sveitarfélagsins, Sigfús Ingi Sigfússon og Laufey K. Skúladóttir.

Lagt fram til kynningar að sveitarstjórn Sveitarfélagsins Skagafjarðar hefur fengið áheyrnartíma hjá fjárlaganefnd Alþingis, 8. október 2014 í Reykjavík.

Lagður fram til kynningar tölvupóstur frá Sambandi íslenskra sveitarfélaga þar sem segir að Sveitarstjórnarþing Evrópuráðsins (Congress of Local and Regional Authorities of the Council of Europe) hvetji sveitarfélög og héruð í Evrópu til að vekja athygli á mikilvægi staðbundins lýðræðisins með því að tileinka lýðræðinu eina viku og skipuleggja þá sérstakar aðgerðir.