Byggðarráð Svf. Skagafjarðar

Lagður fram tölvupóstur nefndasviði Alþingis þar sem atvinnuveganefnd Alþingis óskar eftir umsögn um frumvarp til laga um stjórn fiskveiða (heildarlög) mál nr.570.

"Mikilvægt er að kveðið sé á um það í lögum að nytjastofnar við Ísland séu í óskoraðri þjóðareign og að réttur sjávarbyggða og íbúa þeirra verði tryggður gagnvart nýtingu auðlindarinnar. Þá þarf að vera tryggt að atvinnugreininni sé búið nauðsynlegt rekstraröryggi ásamt því að gætt sé að hagkvæmnissjónarmiðum í þeirri umgjörð sem sjávarútvegi er búin af hálfu stjórnvalda.
Byggðaráð Skagafjarðar leggur áherslu á að ekki verði gerðar neinar þær breytingar á lögum er varða sjávarútveg, sem er ein mikilvægasta atvinnugrein héraðsins, er orðið geti til að veikja stöðu byggðalagsins. Grundvallar markmið lagabreytinga þarf að vera að styrkja veiðar og vinnslu í sjávarbyggðum og auka búsetuöryggi á svæðum sem byggja afkomu sína að stóru leyti á sjávarútvegi.
Byggðarráð Sveitarfélagsins Skagafjarðar gerir alvarlegar athugasemdir við þann skamma fyrirvara sem gefinn er til umsagnar um frumvarpið. Einnig eru gerðar athugasemdir við að með frumvarpinu sé ekki lögð fram heildstæð úttekt á fjárhagslegum og/ eða samfélagslegum áhrifum þess líkt og gert er ráð fyrir í 129. gr. Sveitarstjórnarlaga nr. 138/2011.?

Stefán Vagn Stefánsson
Bjarni Jónsson
Jón Magnússon
Sigurjón Þórðarson
Þorsteinn Tómas Broddason

Sigurjón Þórðarson leggur fram eftirfarandi bókun: Frumvarpið felur í sér að festa núverandi veiðistjórnun í sessi næstu áratugina þrátt fyrir þá staðreynd að kvótakerfið hafi leitt yfir þjóðina mun minni botnfiskafla frá upptöku þess en fyrir daga þess.

Lagt fram bréf frá Sambandi íslenskra sveitarfélaga um að XXVII. landsþing sambandsins verði haldið föstudaginn 15. mars nk. Ársfundur Lánasjóðs sveitarfélaga ohf. verður haldinn á sama stað að loknu landsþingi.

Byggðarráð samþykkir að Ásta B. Pálmadóttir fari með atkvæði sveitarfélagsins á ársfundi Lánasjóðs sveitarfélaga.
Fulltrúar á landsþing hafa þegar verið tilnefndir.

Lagt fram bréf frá Ágústi Guðmundssyni fasteingasala um líklegt mat á söluverði fasteignar. Árgarður Skagafirði, sundlaugar.
Bréfið var til kynningar.

Lagður fram tölvupóstur frá kjarnahópi, sem skipaður var af innanríkisráðherra í janúar sl. til að vinna að mótun tillagna um nýja stefnu um upplýsingasamfélagið 2013-2017.
Lagt fram til kynningar.

Lagt fram bréf frá félaginu, Eyðibýli - áhugamannafélagi, þar sem fram kemur ósk um stuðning við verkefnið "Eyðibýli á íslandi" að upphæð kr. 250.000,- til að mæta að hluta kostnaðar rannsakenda í sveitarfélaginu.
Byggðarráð Sveitarfélagins Skagafjarðar lýsir ánægju með verkefnið og er tilbúið til samstarfs við félagið. Mikið starf hefur verið unnið við söfnum upplýsinga í tengslum við Byggðasögu Skagfirðinga sem gætu nýst í þessari vinnu.

Lagt fram þakkarbréf frá Sigríði Gunnarsdóttir sóknarpresti og Brynjari Pálssyni formanni sóknarnefndar Sauðárkrókskirkju vegna stuðnings sveitarstjórnar við afmælishátíð Sauðárkrókskirkju.

Lagt fram erindi frá sýslumanninum á Sauðárkróki, þar sem óskað er umsagnar um umsókn Ragnheiðar Erlu Björnsdóttur kt 191247-4699 um endurnýjun á rekstrarleyfi fyrir Ferðaþjónustuna Glæsibær. Gistiflokkur I, heimagisting.
Byggðarráð gerir ekki athugasemdir við umsóknina.

Lagt fram erindi frá Sýslumanninum á Sauðárkróki þar sem óskað er umsagnar um umsókn Ragnheiðar Erlu Björnsdóttur kt. 191247-4699 um endurnýjum á rekstrarleyfi fyrir Félagsheimlið Melsgil kt. 460269-5719. Veitingastaður flokkur I, samkomusalur og gististaður, flokkur II, svefnpokagisting.
Byggðarráð gerir ekki athugasemd við umsóknina.

Fundargerð stjórnar Markaðsstofu Norðurlands ses frá 19. desember 2012, lögð fram til kynningar á 618. fundi byggðarráðs.

Lögð fram til kynningar tilkynning frá sýslumanninum á Sauðárkróki um aðilaskipti að 75% hlutar í jörðinni Skálá í Hofshreppi, landnúmer 146583. Seljandi er Ofanleiti ehf og kaupandi er Magnús Pétursson.

Jón Örn Berndsen kom á fundinn og upplýsti um framgang verksins.