Árskóli - staða framkvæmda.

Jón Örn Berndsen kom á fundinn og upplýsti um framgang verksins.

Afgreiðsla 618. fundar byggðaráðs staðfest á 299. fundi sveitarstjórnar með níu atkvæðum.

Jón Örn Berndsen kom á fundinn og fór yfir stöðu framkvæmda við Árskóla.

Jón Örn fór yfir stöðu framkvæmda við Árskóla. Rætt um umferðarmál við skólann.

Sigurjón Þórðarson fulltrúi Frjálslyndra og óháðra leggur fram svohljóðandi bókun:
Skort hefur mjög á eðlilega upplýsingagjöf vegna byggingaframkvæmda við Árskóla s.s. að fundargerðir bygginganefndar Árskóla séu kynntar öllum kjörnum fulltrúum sveitarfélagsins um leið og þær liggja fyrir. Sömuleiðis er eðlilegt að þær fái kynningu og umræðu í sveitarstjórn Skagafjarðar.
Á fundi sveitarstjórnarfólks Frjálslyndra og óháðra í Skagafirði sem fram fór þann 18. ágúst sl. var ákveðið að óskað yrði eftir upplýsingum sem snúa að heildarkostnaði við verkið miðað við núverandi stöðu þess. Engin svör hafa enn borist og verður þá að ætla að það kostnaðarmat liggi ekki fyrir jafnvel þó svo að það styttist mjög í verklok.

Afgreiðsla 628. fundar byggðaráðs staðfest á 304. fundi sveitarstjórnar með níu atkvæðum.

Farið yfir stöðu framkvæmda. Samningsverk 1. áfanga nam 177.768.299,- lokið er af þeim hluta um 85% eða um 150mkr. Eftir er utanhússklæðning á Í-álmu. Samningsverk 2. áfanga nam 352.676.459,- lokið er af þeim hluta um 83% eða um 292mkr. Þar er eftir að ljúka loftræstikerfi og stigahúsi Í-álmu. Ákveðið er að ljúka til viðbótar í kjallara rými fyrir Árvist og bæta við salerni í anddyri íþróttahúss að norðan. Bygginganefnd gerir ráð fyrir að þessi viðbótarframkvæmd rúmist innan þeirra fjárheimilda sem samþykktar hafa verið til heildarverksins.

Afgreiðsla 15. fundar byggingarnefndar Árskóla staðfest á 635. fundi byggðarráðs með þrem atkvæðum.

Afgreiðsla 635. fundar byggðaráðs staðfest á 305. fundi sveitarstjórnar með átta atkvæðum.
Gréta Sjöfn Guðmundsdóttir sat hjá.