Byggðarráð Svf. Skagafjarðar

Fulltrúar ráðgjafahópsins, Jón E. Friðriksson, Guðmundur B. Eyþórsson og Guðrún Lárusdóttir komu á fund byggðarráðs og kynntu hugmyndir hópsins um breytingar til hagræðingar í rekstri. Byggðarráð þakkar þeim fyrir gott og óeigingjarnt starf í þágu sveitarfélagsins.

Lagt fram bréf frá Sérfræðingunum ses., þar sem sveitarfélaginu er boðið að gerast stofnfjáraðili að félaginu með því að greiða framlag sem nemur 50 krónum pr. íbúa sveitarfélagsins. Markmið félagsins er að koma af stað starfsemi á Íslandi til að nálgast einstaklinga á einhverfurófinu, greina styrkleika þeirra og síðan kenna þeim og þjálfa til virkrar atvinnuþátttöku.

Byggðarráð samþykkir að vísa erindinu til umsagnar félags- og tómstundanefndar.

Lagt fram erindi frá sýslumanninum á Sauðárkróki þar sem óskað er umsagnar um umsókn Sóleyjar Önnu Skarphéðinsdóttur um rekstrarleyfi fyrir Tröð-Gestahús, Tröð, 551 Sauðárkróki. Gististaður flokkur II.

Byggðarráð gerir ekki athugasemdir við umsóknina.

Lagður fram til staðfestingar samningur við Júlíus R. Þórðarson um akstur fyrir dagvist aldraðra tímabilið 1. janúar - 31. desember 2011. Samningurinn var samþykkur á 170. fundi félags- og tómstundanefndar.

Byggðarráð staðfestir samninginn.

Lagður fram til staðfestingar samningur við Júlíus R. Þórðarson og Rósu Adolfsdóttur um akstur vegna heimsendingar matar tímabilið 1. janúar - 31. desember 2011. Samningurinn var samþykkur á 170. fundi félags- og tómstundanefndar.

Byggðarráð staðfestir samninginn.

Lagður fram tölvupóstur um væntanlega undirritun samstarfssamnings aðildarsveitarfélaga byggðasamlags um málefni fatlaðra á Norðurlandi vestra, þann 1. apríl 2011.

Byggðarráð samþykkir að sveitarstjóri undirriti samninginn fyrir hönd sveitarfélagsins.