Byggðarráð Svf. Skagafjarðar

Lögð fram skoðunarskýrsla fulltrúa Vinnueftirlitsins vegna reglubundinnar skoðunar á slökkvistöðinni við Sæmundargötu á Sauðárkróki. Gerðar eru athugasemdir um skort á áætlun um öryggi og heilbrigði starfsmanna, ásamt því að úrbóta er þörf er varðar loftræstingu, starfsmannarými, neyðarútganga á efri hæð húsnæðisins.

Byggðarráð samþykkir að fela tæknideild sveitarfélagsins að gera kostnaðaráætlun í samvinnu við slökkviliðsstjóra, á þeim liðum er varða húsnæðið og búnað þess.

Þetta erindi var áður á dagskrá 568. fundar byggðarráðs. Sveitarstjóri gerði Jónasi Loga Sigurbjörnssyni og Hjördísi Elfu Sigurðardóttur gagntilboð, sem þau svöruðu og gerðu jafnframt nýtt tilboð í fasteignina að upphæð 17.000.000 kr.

Byggðarráð samþykkir að ganga að tilboði Jónasar Loga Sigurbjörnssonar og Hjördísar Elfu Sigurðardóttur.

Byggðarráð samþykkir að gengið verði frá gangstíg frá Borgargerði að Sauðárkróksbraut, norðan við iðnaðarhverfi. Kostnaðaráætlun 4.000.000 kr. Fjármögnun verksins verður tekin af fjárveitingum ársins 2011 til annarra verkefna eignasjóðs.

Lögð fram vinnugögn vegna fjárhagsáætlunargerðar 2012.