Byggðarráð Svf. Skagafjarðar

Lögð fram tillaga að breytingu gjaldskrár fyrir Brunavarnir Skagafjarðar, með gildistöku frá og með 1. nóvember 2009.

Byggðarráð samþykkir framlagða tillögu um gjaldskrá fyrir slökkvitækjaþjónustu og útselda vinnu fyrir öryggisvöktun, vinnu vegna vatnstjóns og björgun með klippum. Byggðarráð mælist til að verðskráin verði birt á heimasíðu sveitarfélagsins.

Unnið með gögn varðandi fjárhagsáætlun 2010. Bókun 150. fundar félags- og tómstundanefndar kynnt.

Lagt fram bréf frá Búhöldum hsf. þar sem óskað er eftir því að gjald vegna endurúthlutunar lóða við Iðutún 1-3, Iðutún 5-7, Iðutún 9-11 verði fellt niður, þar sem gjaldtakan var ekki kynnt félaginu og ekki auglýst með formlegum hætti.

Þann 29. janúar 2009 staðfesti sveitarstjórn gjaldskrá tæknideildar, þar á meðal var gjaldtaka vegna lóðaúthlutana. Byggðarráð hafnar erindinu.

Lagður fram til staðfestingar viðbótarsamningur á milli Sveitarfélagsins Skagafjarðar og Suðurleiða ehf. um akstur fatlaðra í Skagafirði, tímabilið október 2009 - maí 2010.

Byggðarráð staðfestir framlagðan samning.

Lagðar fram til kynningar upplýsingar um rekstur sveitarsjóðs og stofnana fyrir tímabilið janúar - september 2009.