Byggðarráð Svf. Skagafjarðar

Lagður fram lánssamningur nr. 32/2010 á milli Lánasjóðs sveitarfélaga ohf og Sveitarfélagsins Skagafjarðar. Þessi lánsfjárhæð er hluti af samþykktri fjárhagsáætlun ársins 2010.

Byggðarráð Sveitarfélagsins Skagafjarðar samþykkir hér með að taka lán hjá Lánasjóði sveitarfélaga ohf. að fjárhæð 200.000.000 kr. til 14 ára, í samræmi við skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 3. mgr. 73. gr. sveitarstjórnarlaga nr. 45/1998. Er lánið tekið til byggingar leikskólans Ársala, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.Jafnframt er Margeiri Friðrikssyni, kt. 151060-3239, veitt fullt og ótakmarkað umboð til þess f.h. Sveitarfélagsins Skagafjarðar að undirrita lánssamning við Lánasjóð sveitarfélaga ohf. sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

Lagt fram bréf frá Karli Jónssyni umboðsmanni Sjóvár-Almennra líftr. hf. á Sauðárkróki, þar sem hann óskar m.a. eftir skýringu og rökstuðningi fyrir ákvörðun byggðarráðs að afturkalla ákvörðun fyrri sveitarstjórnar að segja upp vátryggingasamningi við Vátryggingafélag Íslands.

Vegna fyrirspurnar um endurskoðun á vátryggingasamningi sveitarfélagsins telur byggðarráð eðlilegt að ný sveitarstjórn fái umþóttunartíma til að meta og fara yfir vátryggingar sveitarfélagsins í heild sinni. Var það því samþykkt samhljóða á 522. fundi byggðarráðs þann 7. Júlí sl. að endurnýja vátryggingasamning sveitarfélagsins við VÍS og endurnýjast hann sjálkrafa um eitt ár. Áður en kemur að uppsögn þess samnings samkvæmt ákvæðum samningsins mun byggðarráð taka málið til skoðunar að nýju. Sveitarstjóra falið að svara erindinu og veita þær upplýsingar sem óskað er eftir.

Gréta Sjöfn Guðmundsdóttir og Sigurjón Þórðarson ítreka bókun sína frá fundi byggðarráðs 15. júlí sl. sem hljóðar svo: "Við teljum eðlilegt og hagkvæmt að bjóða út tryggingapakka sveitarfélagsins eins og ráð var fyrir gert, enda liggja engin gögn fyrir í málinu sem benda til þess að skynsamlegt sé að fresta útboði".

Sigurjón Þórðarson óskar bókað að hann telur svör byggðarráðs við fyrirspurn Sjóvár-Almennra líftr. hf. algerlega ófullnægjandi og upplýsa ekki að neinu ákvörðun meirihlutans að bjóða ekki út tryggingarnar eins og ráð var fyrir gert.

Lagt fram bréf frá Þórhalli Rúnari Rúnarssyni umboðsmanni Tryggingamiðstöðvarinnar hf. á Sauðárkróki, þar sem hann óskar eftir skriflegri skýringu og rökstuðningi fyrir ákvörðun byggðarráðs að afturkalla ákvörðun fyrri sveitarstjórnar að segja upp vátryggingasamningi við Vátryggingafélag Íslands.

Vegna fyrirspurnar um endurskoðun á vátryggingasamningi sveitarfélagsins telur byggðarráð eðlilegt að ný sveitarstjórn fái umþóttunartíma til að meta og fara yfir vátryggingar sveitarfélagsins í heild sinni. Var það því samþykkt samhljóða á 522. fundi byggðarráðs þann 7. júlí sl. að endurnýja vátryggingasamning sveitarfélagsins við VÍS og endurnýjast hann sjálkrafa um eitt ár. Áður en kemur að uppsögn þess samnings samkvæmt ákvæðum samningsins mun byggðarráð taka málið til skoðunar að nýju. Sveitarstjóra falið að svara erindinu og veita þær upplýsingar sem óskað er eftir.

Gréta Sjöfn Guðmundsdóttir og Sigurjón Þórðarson ítreka bókun sína frá fundi byggðarráðs 15. júlí sl. sem hljóðar svo: "Við teljum eðlilegt og hagkvæmt að bjóða út tryggingapakka sveitarfélagsins eins og ráð var fyrir gert, enda liggja engin gögn fyrir í málinu sem benda til þess að skynsamlegt sé að fresta útboði".

Sigurjón Þórðarson óskar bókað að hann telur svör byggðarráðs við fyrirspurn Tryggingamiðstöðvarinnar hf. algerlega ófullnægjandi og upplýsa ekki að neinu ákvörðun meirihlutans að bjóða ekki út tryggingarnar eins og ráð var fyrir gert.

Erindi frá Hólmfríði Dröfn Guðmundsdóttur og Hirti Sævari Hjartarsyni, þar sem þau óska eftir upplýsingum um áform sveitarfélagsins varðandi fasteignina Ægisstíg 7, Skr., sem hefur hingað til hýst hluta af starfsemi Furukots og leggst af við opnun leikskólans Ársala. Lýsa þau áhuga sínum á að gera tilboð í fasteignina.

Ekki hefur verið tekin ákvörðun um sölu á fasteigninni, en ef svo verður mun hún verða auglýst og sett í söluferli hjá fasteignasölu.