Félags- og tómstundanefnd Svf. Skagafjarðar

Fyrir liggur tillaga um að Bjarki Tryggvason verði formaður nefndarinnar. Tillagan samþykkt.

Fyrir liggur tillaga um að Halla Ólafsdóttir verði varaformaður nefndarinnar. Tillagan samþykkt.

Fyrir liggur tillaga um að Íris Baldvinsdóttir verði ritari nefndarinnar. Tillagan samþykkt.

Félagsmálastjóri kynnti stöðuna í málefnum fatlaðs fólks í Skagafirði. Til að leysa úr bráðri þörf fyrir búsetu er eftirfarandi lagt til: Að félags- og tómstundanefnd sæki um til byggðarráðs að tryggð verði fjárveiting að upphæð kr.7 milljónir til að fara af stað með búsetuúrræðið í september. Framkvæmdasvið gerir tillögu til stjórnar eignasjóðs um fjárveitingu til upplyftingar á húsnæðinu, en sú upphæð er lægri.

Sviðsstjóri kynnti verkefni nefndarinnar.

Forstöðumaður frístunda- og íþróttamála fór yfir undirbúning að unglingalandsmóti UMFÍ, sem haldið verður á Sauðárkróki um verslunarmannahelgina.

Sviðsstjóri kynnti tillögu að gestakorti í Skagafirði sem veitir aðgang að söfnum og sundlaugum í eigu Sveitarfélagsins Skagafjarðar. Nefndin samþykkir tillöguna fyrir sitt leyti.

Sviðsstjóri kynnti ákvæði laga um jafnréttisáætlanir sveitarfélaga. Unnið verður að samþykkt nýrrar áætlunar á næstu fundum nefndarinnar.

Lagt fram boð á jafnréttisþing sveitarfélaga sem haldið verður þann 19. september n.k. í Reykjavík.

Eitt erindi til umfjöllunar. Samþykkt.