Jafnréttisáætlun sveitarfélagsins til næstu fjögurra ára

Sviðsstjóri kynnti ákvæði laga um jafnréttisáætlanir sveitarfélaga. Unnið verður að samþykkt nýrrar áætlunar á næstu fundum nefndarinnar.

Afgreiðsla 209. fundar félags- og tómstundanefndar staðfest á 667. fundi byggðarráðs þann 10. júlí 2014 með þremur atkvæðum.

Samkvæmt lögum ber sveitarfélaginu að setja sér jafnréttisstefnu til fjögurra ára í senn að afloknum sveitarstjórnarkosningum. Nefndin samþykkir að áætlun sú sem samþykkt var árið 2012 gildi áfram til næstu fjögurra ára, með breytumm tímasetningum þó. Nefndin ítrekar einnig að yfirstjórn, nefndum sveitarfélagsins og öllum stofnunum ber að vinna samkvæmt ákvæðum laganna og áætlunarinnar.
Nefndin leggur áherslu að skv. 3. lið áætlunarinnar ber að gera úrtakskönnun á launum starfsmanna sveitarfélagsins haustið 2014.

Afgreiðsla 210. fundar félags- og tómstundanefndar staðfest á 320. fundi sveitarstjórnar 29. október 2014 með níu atkvæðum.

Samþykkt að uppfæra jafnréttisáætlun sem samþykkt var í október 2014 og gildir til 2016 og senda hana á forstöðumenn starfsstöðva og nefndir sveitarfélagsins.

Afgreiðsla 223. fundar félags- og tómstundanefndar staðfest á 331. fundi sveitarstjórnar 16. september 2015 með átta atkvæðum.

Bryndís Lilja Hallsdóttir mætti á fundinn. Hún og félagsmálastjóri gerðu grein fyrir tillögu að uppfærðri jafnréttisáætlun Sveitarfélagsins Skagafjarðar og leggja til að hún gildi til 2018. Félags- og tómstundanefnd samþykkir tillöguna og vísar henni til sveitarstjórnar.

Forseti gerir tillögu um að vísa afgreiðslu málsins til liðar nr. 16 á dagskrá fundarins. Samþykkt samhljóða.

Lögð fram jafnréttisáætlun Sveitarfélagsins Skagafjarðar 2014-2018 sem samþykkt var á 224. fundi félags-og tómstundanefndar 2. nóvember 2015 og vísað til fyrri umræðu í sveitarstjórn.
Jafnréttináætlun 2014-2018, borin upp til afgreiðslu, samþykkt með átta atkvæðum og vísað til annarrar umræðu í félags- og tómstundanefnd.

Erindinu vísað til nefndarinnar frá sveitarstjórn til annarar umræðu. Nefndin samþykkir áætlunina eins og hún liggur fyrir og vísar henni til sveitarstjórnar.

Forseti gerir tillögu um að vísa afgreiðslu málsins til liðar nr. 48 "Jafnréttisáætlun sveitarfélagsins til næstu fjögurra ára." Samþykkt samhljóða.

Erindinu vísað til félags- og tómstundanefndar, frá 333. fundi sveitarstjórnar 11. nóvember 2015, til annarar umræðu. Nefndin samþykkir áætlunina eins og hún liggur fyrir og vísar henni til síðari umræðu sveitarstjórnar.

Jafnréttisáætlun Sveitarfélagsins Skagafjarðar 2014 -2018 borin upp til afgreiðslu sveitarstjórnar og samþykkt með níu atkvæðum.