Félags- og tómstundanefnd Svf. Skagafjarðar

Þrjú erindi samþykkt, einu erindi hafnað og einu frestað.

Samþykkt að veita 230.000.- króna styrk til tómstundahóps fatlaðra enda er gert ráð fyrir þessu á fjárhagsáætlun.

Félags-og tómstundanefnd samþykkir og beinir til Byggðaráðs að sjálfboðaliðar og skiptinemar sem hingað koma fái frístundakort sem veitir þeim aðgang að sundlaugum sveitarfélagsins og frístundastrætó.

Sundlaugin að Sólgörðum var opnuð aftur eftir lagfæringar 30. júlí og gerður verktakasamningur við Ingunni Mýrdal um rekstur laugarinnar frá 30. júlí -25. ágúst.
Borist hefur bréf frá Guðrúnu Hönnu Halldórsdóttur, íbúa í Fljótum, þar sem hún óskar skýringa og rökstuðnings á ráðningu rekstraraðila að sundlauginni í Fljótum.
Formaður leggur til að bréfinu verði vísað til sveitarstjóra til svara þar sem hann er yfirmaður starfsmanna Frístundasviðs. Jenný Inga, áheyrnarfulltrúi V.G. óskar bókað að hún mótmæli hvernig að ráðningu rekstraraðilans var staðið.

Erindi Skíðadeildar Tindastóls lagt fram til kynningar.

Erindið kynnt en þar sem siglingaklúbburinn hefur aðeins stöðuleyfi fyrir aðstöðuhúsi til 1. september 2009 er ekki hægt að taka afstöðu til þess.

Félags-og tómstundanefnd leggur til við Byggðaráð að heimila tilfærslur milli liða innan 06 málaflokksins í samræmi við fyrri tillögur nefndarinnar. Niðurstöðutala málaflokksins er eftir sem áður sú sama 253.584.000,- sem er í samræmi við samþykkta endurskoðaða fjárhagsáætlun.